Panajot Ĥitrov

Panajot ĤITROV (bulgare Панайот ХИТРОВ, en la Enciklopedio de Esperanto de 1934 ankoraŭ latinliterigita Panayot Hitrow, n. en 1894 kaj m. en 1945), estis bulgara kuracisto kaj esperantisto, kiu ekde la 1930-aj jaroj vivis en Sofio. Laŭ la alineo pri li en Enciklopedio de Esperanto li multe vojaĝis tra la mondo: li vivis, studis kaj propagandis por Esperanto en Odeso, Veliko Tarnovo, Bukareŝto, Moskvo, Berlino, Milano kaj Sofio. Panajot Ĥitrov verkis kaj eldonis diversajn traktaĵojn en naciaj lingvoj, Esperanto-lernolibrojn por rusoj, germanoj kaj bulgaroj, Historieton de la internacia lingvo kaj aliajn. Krome li inter 1923 kaj 1925 eldonis ilustritan Esperanto-revuon "Esperantio" en Berlino. En 1925 li fondis la asocion "Internacia Unio Esperantista", kies vicprezidanto li estis.

Panajot Ĥitrov
Persona informo
Naskiĝo	1-an de januaro 1894 (1894-01-01)
Morto	1-an de januaro 1945 (1945-01-01) (51-jaraĝa)
Lingvoj	Esperanto • germana • itala • rumana • rusa • bulgara
Okupo
Okupo	esperantisto kuracisto

Verkoj

• Guto post guto. Originalaj versaĵoj el la esperanta poezio. Kolektita de Panajot ĤITROV. Eldonejo Esperantio, Berlin, 1923 (?).

	„ Bone elektitaj versaĵoj de esperantaj poetoj el diversaj nacioj. La bulgaraj esperanto-poetoj estas reprezentitaj per Sim. M. Simeonov (La vivo) kaj ilia Silvestriev (vanitas vanitatum). La teknika flanko de la eldono estas neriproĉebla. ” — Bulgara Esperantisto j.05 n02 okt. 2023