Dionizio (papo)
|
Por aliaj signifoj, bv. rigardi la apartigilan paĝon: Dionizio (nomo) |
Papo Sankta Dionizio estis papo de la 22-a de julio 259 ĝis la 26-a de decembro 268.
| Dionizio | ||
|---|---|---|
| 25-a papo de la katolika eklezio | ||
| ||
| Naskonomo | Dionisius | |
| Pontifiko | de 259 | |
| ĝis 268 | ||
| Antaŭulo | Siksto la 2-a | |
| Sekvanto | Felikso la 1-a | |
| Persona informo | ||
| Naskiĝo | 30-an de novembro 199 en Romia Imperio | |
| Morto | ĉ. 26-a de decembro 268 en Romo, Italio | |
| Lingvoj | moderna greka lingvo [#] | |
| Sanktulo | ||
| [#] | Fonto: Vikidatumoj | |
Li eble naskiĝis en Granda Grekio, sed tio ne estis konfirmita. Dionizio estis elektita papo en 259, post la martiriĝo de Siksto la 2-a en 258. La Sankta Seĝo estis vaka dum preskaŭ unu jaro pro malfacileco en la elektado de nova papo dum la perforta persekutado kiun kristanoj travivis. Kiam la persekutado komencis trankviliĝi, Dionizio estis elektita episkopo de Romo. La imperiestro Valeriano la 1-a, kiu gvidis la persekutadon, estis kaptita kaj mortigita de la reĝo de Irano en 260. La nova imperiestro, Galieno, emisiis edikton de toleremo, alportante la persekutadon de kristanoj al fino kaj donante al la eklezio juran pozicion. La nova papo ricevis la taskon reorganizi la romian eklezion, kiu falis en granda malordo. Post la protestoj en Aleksandrio, li postulis de la episkopo de Aleksandrio, ankaŭ nomita Dionizio, klarigojn koncernante sian doktrinon koncerne la rilaton de Dio al la Logoso, kiu estis kontentigita.
Papo Dionizio sendis grandajn monsumojn al la preĝejoj de Kapadokio, kiuj estis detruitaj de la gotoj, rekonstruitaj kaj elaĉetitaj la kaptitojn. Li alportis ordon al la eklezio kaj havigis pacon post imperiestro Galieno emisiis edikton de toleremo kiu daŭris ĝis 303. Dionizio estas la unua papo kiu ne estas enlistigita kiel martiro. Li mortis la 26-an de decembro 268.