Pentrita galinageto

La Pentrita galinageto (aŭ Sudamerika pentrita galinago, Nycticryphes semicollaris) estas vadbirdo de la familio de Rostratuledoj. Estas du aliaj specioj en tiu familio, la Aŭstralia pentrita galinago kaj la Granda pentrita galinago.

Kiel legi la taksonomionVikipedio:Kiel legi la taksonomion
Kiel legi la taksonomion
Sudamerika pentrita galinago

Biologia klasado
Regno: Animaloj Animalia
Filumo: Ĥorduloj Chordata
Klaso: Birda klaso Aves
Ordo: Ĥaradrioformaj Charadriiformes
Familio: Rostratuledoj Rostratulidae
Genro: Nycticryphes Nycticryphes
Specio: Sudamerika pentrita galinago 'Nycticryphes semicollaris'
Louis Jean Pierre Vieillot 1816
Aliaj Vikimediaj projektoj
vdr

Aspekto redakti

 
Nycticryphes semicollaris, ilustración de Keulemans para Henry Seebohm, The Geographical Distribution of the Family Charadriidae (1888)

Tiu specio havas malhelajn ruĝbrunajn kapon kaj kolon kun flava strio ĉekrone; la supraj partoj estas malhele grizbrunajn kun blankaj punktoj; la subaj partoj estas blankaj. Kvankam la ino povas esti iomete pli granda kaj brila, kontraste kun la du aliaj specioj de la familio, la Pentrita galinageto ne estas tre duforma laŭ sekso. Ĝi havas relative longan, kurvan bekon kaj retajn piedojn kiel diferenco disde la aliaj Pentritaj galinagoj. Ili estas 19–23 cm longaj kaj 65–86 g pezaj.

Distribuado kaj medio redakti

Pentrita galinageto troviĝas en la plej suda triono de Suda Ameriko, el suda Brazilo, Paragvajo kaj Urugvajo ĝis Ĉilio kaj Arĝentino. Ili loĝas malaltajn nesalajn humidejojn, inkludante humidajn herbejojn.

Kutimaro redakti

Dieto redakti

Ili estas ĉiomanĝantaj; ili prenas per tuŝoprobado en koto kaj neprofunda akvo etajn animalojn kaj semojn, ofte krepuske.

Reproduktado redakti

La Pentrita galinageto estas monogama kaj reproduktiĝas duonkolonie. La nesto estas neprofunda truo surgrunda en humidejo. Tie la ino demetas 2 aŭ 3 ovojn. La reproduktado okazas el julio ĝis februaro, sudhemisfera somero.

Voĉo redakti

Raŭka "uiuuu" aŭskultita nur ĉe kaptivaj birdoj.

Konservado redakti

La Sudamerika pentrita galinago estis tradicie dezirata ĉasebla birdo en Ĉilio kaj Arĝentino kaj pro tio estis regule ĉasata. Ĝi estas nekomuna specio en sia ampleksa teritorio kaj povas esti minacata pro sekigado de humidejoj kaj aliaj kialoj de mediperdo. Tamen oni ne konstatis evidentan malpliiĝon de loĝantaro kaj ties statuso restas kiel Ne Minacata.

Eksteraj ligiloj redakti

Referencoj redakti