Pireneaj koniferaj kaj miksaj arbaroj
La pireneaj koniferaj kaj miksaj arbaroj estas tersupraĵa ekoregiono transire de la mediterananea kaj eŭropa-siberia ekoprovincoj de la palearktisa ekozono, laŭ la tipologio de la Monda Natur-Fonduso (WWF). Biome la ekoregiono apartenas al mezvarmaj foliaj kaj miksaj arbaroj. Ĝi situas en la tutmondaj 200-regiono "eŭropaj-mediteraneaj montaraj miksaj arbaroj" pro sia granda biodiverseco.
| Pireneaj koniferaj kaj miksaj arbaroj | |
|---|---|
| ekoregiono | |
 | |
| ekoregiono laŭ Monda Natur-Fonduso [+] | |
 Vikimedia Komunejo: Pyrenees conifer and mixed forests [+] |
|
Priskribo redakti
La ekoregiono okupas 25 900 da kvadrataj kilometroj en Pireneoj, inter Francujo, Hispanujo kaj Andoro.
Flaŭro redakti
La diverseco estas tre alta, kun 3 500 da specioj.
Pireneoj estas karakterizitaj de alte diversa altitudo-zoneco de arbartipoj, kiu estas pli okulfrapa en la suda hispana duono. La pli malataj altitudoj kaj kalkoŝtonaj/dolomitaj kanjonoj havas mediteranean vegetaĵarotipon, kie superregas miksaj ĉiamverdaj (precipe anzino – Quercus ilex) kaj deciduaj specioj (Quercus faginea, Q. pubescens, Tilia platiphyllos, Acer opalus). Korkokverko (Quercus suber) kaj pinio (Pinus pinea) konstituas gravajn arbarerojn sur la silikaj substratoj de la plej orientaj ekstremaĵoj, apud Mediteraneo.
Mezaj altitudoj estas karakterizitaj de decidua miksa arbaro (tigfolia kverko - Q. petraea; lanuga kverko - Q. pubescens; eŭropa fago - Fagus sylvatica precipe en la okcidento) kaj pinaroj de arbara pino (Pinus sylvestris) kaj nigra pino (P. nigra subsp. salzmannii var. salzmannii).
Relikvaj duonarbaroj de incensa junipero (Juniperus thurifera), specio vaste disvastiĝinta en centra Hispanujo kaj Nordafriko, troviĝas en kelkaj areoj de Nordaj Pireneoj. Alta-montaraj arbaroj precipe konsistas el miksaj fagaj kaj blanka-abiaj (Abies alba) arbareroj, kun monta pino (Pinus mugo subsp. uncinata) precipe trovebla en pli kontinentaj landinternaj regionoj. Strikte alta-montaraj herbejoj troviĝas super la arbolinio kaj gastigas multajn endemiajn kaj relikvajn speciojn.
Faŭno redakti
Inter la endanĝerigataj specioj troviĝas la bruna urso (Ursus arctos) kaj la ŝafgrifo (Gypaetus barbatus).
Endemiismo redakti
Estas priskribitaj ĉirkaŭ ducent da endemiaj plantoj.
Stato de konservado redakti
Vundeble. Kvankam bone konservata, la ekoregiono estas minacata pro la senarbarigo kaj la starigo de baraĵlagoj kaj skistacioj.
Vidu ankaŭ redakti
Eksteraj ligiloj redakti
- angle Pireneaj koniferaj kaj miksaj arbaroj (WWF)
- angle Pireneaj koniferaj kaj miksaj arbaroj (WWF-Wildworld)
- angle Pireneaj koniferaj kaj miksaj arbaroj (Wildworld) - Nacia Geografia Societo
- angle Pireneaj koniferaj kaj miksaj arbaroj (The Encyclopedia of Earth)
- angle Pireneaj koniferaj kaj miksaj arbaroj (Globalspecies) Arkivigite je 2016-03-14 per la retarkivo Wayback Machine
- angle Tutmondaj 200; numero 077 : Eŭropaj-mediteraneaj montaraj miksaj arbaroj (WWF) Arkivigite je 2016-10-10 per la retarkivo Wayback Machine