Plumbomilvo
La Plumbomilvo, Ictinia plumbea, estas malgranda rabobirdo de la familio de Akcipitredoj, kiu inkludas ankaŭ la aglojn, akcipitrojn kaj vulturojn.
 | ||||||||||||||||
|---|---|---|---|---|---|---|---|---|---|---|---|---|---|---|---|---|
 Plumbomilvo
| ||||||||||||||||
| Biologia klasado | ||||||||||||||||
| ||||||||||||||||
| Ictinia plumbea (Gmelin, 1788) | ||||||||||||||||
| Konserva statuso | ||||||||||||||||
 | ||||||||||||||||
Aliaj Vikimediaj projektoj
| ||||||||||||||||
La Plumbomilvo reproduktiĝas en tropika Ameriko, el orienta Meksiko tra Centrameriko al Peruo, Bolivio kaj Argentino. Ili reproduktiĝas ankaŭ en Trinidado.
Birdoj de nordo kaj sudo de la reprodukta teritorio, inklude la populaciojn de Centrameriko, Trinidado, norda Venezuelo kaj Kolombio, kaj sudaj Argentino kaj Brazilo, estas migrantaj, kiuj moviĝas al tropika Sudameriko dum la norda vintro.
Tiu estas birdo de arbaroj de malaltaj teroj kaj savanoj, kiu konstruas neston el bastonetoj sur arbo kie la ino demetas 1-2 bluecblankajn ovojn. Ĝi estas tipe 33–38 cm longa kaj pezas 190-280 g. Ĝi estas ne nepre gregemaj, kvankam ofte estas vidataj laŭ aroj dum migrado.
La Plumbomilvo havas longajn, pintecajn flugilojn. Plenkreskuloj estas ĉefe ardezgrizaj (kio nomigas la specion kaj en la komuna nomo kaj en la latina scienca nomo), kun pli helaj kapo kaj subaj partoj. La mallonga nigra vosto havas 2-3 blankajn bendojn. La okuloj estas ruĝaj kaj la kruroj estas oranĝaj. Dumfluge tiu milvo montras ruĝecan unuarangan makulon (antaŭ flugilpinto).
Ambaŭ seksoj estas similaj, sed nematuruloj havas blankestriecajn grizajn suprajn partojn kaj malhelstriecajn blankecajn subajn partojn. Ili ne havas la ruĝecajn flugilmakulojn. La alvoko de la Plumbomilvo estas fajfa si-sii-uu.
La flugmaniero estas malrapida, kun ofta glitado, kaj la predoj estas preskaŭ nur insektoj kaptatajn dumfluge. Tiu milvo ofte ripozas rimarkinde sur mortintaj branĉoj, havante siajn longajn flugilojn preter sia vostopinto.
Referencoj redakti
Literaturo redakti
- Hilty, Steven L. (2003) Birds of Venezuela. Londono: Christopher Helm. ISBN 0-7136-6418-5.
- ffrench, Richard. (1991) A Guide to the Birds of Trinidad and Tobago, 2‑a eldono, Comstock Publishing. ISBN 0-8014-9792-2.
Eksteraj ligiloj redakti
- Filmetoj de Plumbomilvo ĉe Internet Bird Collection
- Fotaro de Plumbomilvo VIREO Photo-High Res
