Preferata genra pronomo

triapersonaj pronomoj preferataj de individuoj por priskribi sian genron aŭ mankon de genro

Preferata genra pronomopersona genra pronomo (ofte mallongigita kiel PGP en la angla) estas unu el la triapersonaj pronomoj, kiun individuo preferas, ke aliuloj uzu ĝin por identigi la genron (aŭ mankon de genro) de tiu persono. En la angla, kiam oni deklaras siajn preferatajn pronomojn, oni ofte deklaras la subjektan, objektan kaj posedan pronomojn (ekzemple "he, him, his", "she, her, hers" aŭ "they, them, theirs"), kvankam kelkfoje oni nur deklaras la subjektan kaj objektan pronomojn ("he, him", "she, her", "they, them"). En Esperanto sufiĉas deklari nur la subjektan formon, ĉar ĉiuj pronomoj fleksiiĝas sammaniere.

Preferataj genraj pronomoj enuziĝis kiel maniero por progresigi justecon kaj inkluzivon por transgenruloj kaj neduumuloj.[1][2] La uzado de tio estas identigita ĉe socialaj laboristoj,[3] instruistoj[4] kaj sanlaboristoj[5][6][7] kiel kaj praktikaj kaj etikaj konsideroj. Stilogvidiloj kaj asocioj de ĵurnalistoj kaj sanlaboristoj konsilas la uzadon de pronomoj preferataj aŭ konsiderate taŭgaj por la temulo.[8][9][10] Kiam oni pritraktas klientojn aŭ pacientojn, oni konsilas al sanlaboristoj noti la pronomojn uzatajn fare de la individuoj mem,[11] kio povus inkluzivi uzi malsamajn pronomojn je malsamaj tempoj.[12][13] Ĉi tio ankaŭ estas etendita al la nomo preferata de la temulo.[14][15] GLAT-subtengrupoj ankaŭ konsilas la uzadon de pronomoj kaj nomoj preferataj aŭ konsiderate taŭgaj de la temulo.[16] Ili krome ankaŭ rekomendas eviti genran konfuzon, kiam oni parolas pri la fono de transgenruloj, kiel ekzemple uzi titolon aŭ rangon por eviti la uzadon de genra pronomo aŭ nomo.[17]

Tamen la kutimo peti preferatajn genrajn pronomojn ne estas universale akceptita aŭ konsilita. La dekano de virinoj ĉe Pomona College, Rachel N. Levin, konsilas, ke profesoroj ne petu al studentoj malkaŝi siajn preferatajn genrajn pronomojn dum klaso-enkondukoj, ĉar tio povus ĉagreni ĝuste tiujn homojn, kiujn la uzado de preferataj genraj pronomoj supozate devas protekti.[18]

Ekzistas iom da malkonsento pri tio, ĉu oni nomu ilin "preferataj". Iuj personoj preterlasas la vorton, kaj nomas ilin "genraj pronomoj" aŭ simple "pronomoj" por emfazi, ke la ĝusta uzado de pronomoj estas socia devontigo anstataŭ individua prefero. Ili timas, ke la inkluzivo de "preferataj" en la nomo povas kaŭzi, ke iuj personoj pensas, ke la uzado de ies pronomoj estas nedeviga.[19] Tiuj, kiuj retenas la vorton "preferataj", notas paralelon al "preferataj nomoj" aŭ kiel maniero por aserti la individuan liberecon aŭ rajton elekti siajn proprajn pronomojn.

La deklarado de preferataj genraj pronomoj ne estas limigita al transgenruloj kaj neduumuloj. Multaj cisgenruloj ankaŭ komencis deklari siajn preferatajn genrajn pronomojn en lokoj kiel sociaj retejoj; por iuj, tio povas esti provo montri solidarecon kaj/aŭ normaligi pronomo-deklaradon.

En EsperantujoRedakti

Ĉe junularaj renkontiĝoj (kiel ekzemple IJK kaj JES) iĝas pli kaj pli kutima vidi homojn skribi siajn preferatajn pronomojn sur sian nomŝildon. Ankaŭ en la retejo de Pasporta Servo kaj en Centra Reto, la ĉefa sistemo de TEJO por interna kunlaborado, oni povas en sia profilo indiki siajn preferatajn pronomojn.[20] En sociaj retoj, ĉefe junulaj kiel Telegram kaj Twitter, oni ankaŭ vidas esperantistojn indiki siajn preferatajn pronomojn en sia nomo aŭ priskribo.

ReferencojRedakti

  1. (2013-07-01) “An Intake Template for Transgender, Transsexual, Genderqueer, Gender Nonconforming, and Gender Variant College Students Seeking Mental Health Services”, Journal of College Student Psychotherapy 27 (3), p. 200–211. doi:10.1080/87568225.2013.798221. 
  2. (2015-07-01) “Support Experiences and Attitudes of Australian Parents of Gender Variant Children”, Journal of Child and Family Studies 24 (7), p. 1999–2007. doi:10.1007/s10826-014-9999-z. 
  3. (2011-10-01) “Gender Identity Disorder, the Gender Binary, and Transgender Oppression: Implications for Ethical Social Work”, Smith College Studies in Social Work 81 (4), p. 314–327. doi:10.1080/00377317.2011.616839. 
  4. (2014-01-02) “Creating Classrooms of and for Activism at the Intersections of Class, Race, Ethnicity, Gender, and Disability”, Multicultural Perspectives 16 (1), p. 8–11. doi:10.1080/15210960.2013.867237. 
  5. (2015-06-01) “Electronic Health Records and Transgender Patients—Practical Recommendations for the Collection of Gender Identity Data”, Journal of General Internal Medicine 30 (6), p. 843–847. doi:10.1007/s11606-014-3148-7. 
  6. (2014-07-02) “Sexual Orientation and Gender Identity Data Collection Update: U.S. Government Takes Steps to Promote Sexual Orientation and Gender Identity Data Collection Through Meaningful Use Guidelines”, LGBT Health 1 (3), p. 157–160. doi:10.1089/lgbt.2014.0033. 
  7. (2014-12-01) “Psychological and Medical Care of Gender Nonconforming Youth”, Pediatrics 134 (6), p. 1184–1192. doi:10.1542/peds.2014-0772. 
  8. Division of Public Affairs (September 2011)Style Guide. Vanderbilt University. Alirita 2013-09-17. “Use the pronoun preferred by the individuals who have acquired the physical characteristics of the opposite sex or present themselves in a way that does not correspond with their sex at birth.”.
  9. Associated Press. (2015) “transgender”, The Associated Press Stylebook 2015. ISBN 9780465097937. “Use the pronoun preferred by the individuals who have acquired the physical characteristics of the opposite sex or present themselves in a way that does not correspond with their sex at birth. If that preference is not expressed, use the pronoun consistent with the way the individuals live publicly.”.
  10. Meeting the Health Care Needs of Lesbian, Gay, Bisexual, and Transgender (LGBT) People: The End to LGBT Invisibility (PowerPoint Presentation). The Fenway Institute. Alirita 2013-09-17. “Use the pronoun that matches the person's gender identity”.
  11. . Working With Transgender Persons. Psychiatric Times (13 November 2015). Alirita 2013-09-17. “If you are not sure which pronoun to use, you can ask the patient”.
  12. Glossary of Gender and Transgender Terms, p. 2 and 5. Fenway Health (January 2010). Alirita 2015-11-13. “listen to your clients – what terms do they use to describe themselves... Pronoun preference typically varies, including alternately using male or female pronouns using the pronoun that matches the gender presentation at that time.”.
  13. Competencies for Counseling with Transgender Clients. Association for Lesbian, Gay, Bisexual, and Transgender Issues in Counseling (18 September 2009). “honor the set of pronouns that clients select and use them throughout the counseling process”.
  14. Frequently Asked Questions on Trans Identity. Common Ground – Trans Etiquette. University of Richmond. Alirita 2013-09-17. “Use the correct name and pronoun- Most names and pronouns are gendered. It's important to be considerate of one's gender identity by using the pronouns of the respective gender pronounsŜablono:Sic , or gender-‐neutral pronouns, they use”.
  15. . Transgender terminology: It's complicated. American Psychological Association (April 2013). Alirita 2013-09-17. “Use whatever name and gender pronoun the person prefers”.
  16. Transgender FAQ. Resources. Human Rights Campaign. Alirita 2013-09-17. “should be identified with their preferred pronoun”.
  17. NAMES, PRONOUN USAGE & DESCRIPTIONS (PDF). GLAAD Media Reference Guide. GLAAD (May 2010). Alirita 2013-09-17. “It is usually best to report on transgender people's stories from the present day instead of narrating them from some point or multiple points in the past, thus avoiding confusion and potentially disrespectful use of incorrect pronouns.”.
  18. Why asking students their preferred pronoun is not a good idea (opinion). Inside Higher Ed. Alirita 2019-05-06.
  19. Gender Pronouns. Trans Student Educational Resources. Alirita 12 November 2019.
  20. Aktivuloj | Centra Reto. TEJO. Alirita 2020-02-09.