Princino Cuguko de Takamado

Princino Cuguko de Takamado

La japana Princino Cuguko de Takamado naskiĝis la 8-an de marto 1986. Ŝi estas filino de la forpasinta Imperia moŝto Princo Takamado kaj Ŝia Imperia moŝto Princino Takamado. Princino Cuguko diplomiĝis ĉe mezlernejo kaj nun estas studento ĉe Edinburga Universitato en Britio, studante sociologion. Lastatempe en 2006 ŝi reprezentis la Imperian familion ĉe la festoj de la arĝenta geedziĝa datreveno de Granda Duko Henri kaj Granda Dukino María Teresa de Luksemburgio.

Klaĉgazetaj raportoj

La 1-an de februaro 2007, la Japana klaĉgazeto "Shukan Bunshun" raportis, ke Princino Cuguko kreis profilon por si en japana retejo "SNS" ("Social Network Service" t.e. Socia Reta Servo) alpreninte pseŭdonimon kaj parolis eksplicite pri siaj propraj seksaj interesoj.[1]

Kontraste kun la publika bildo de anoj de la japana imperiestra familio, kies privata vivo estas kovrita de tabua vualo de krizantemo, ŝia retejo kun infanaĵa skribo estis konsiderata "obscena" de la amaskomunikiloj eĉ tute sen seksaj bildoj. La gazeta artikolo estas tro tikla por japanoj tiel ke la plejmulto de la amaskomunikiloj en Japanio intence malagnoskis ĝin kaj la Imperia Familia Agentejo ne publikigis oficialan komunikon. Nur kelkaj ĉinaj ĵurnaloj[2] kaj la japana klaĉgazeto "Josei Jishin" raportis pri ĉi tiu okazaĵo.[3]

Fontoj