Provinco Bergamo
La provinco Bergamo estas provinco en la regiono Lombardio de norda Italio, kun pli ol miliono da loĝantoj: fine de 2021 en la teritorio vivis 1 102 670 loĝantoj. Ĝia ĉefurbo, Bergamo, estas la kvara urbo laŭ loĝantaro en Lombardio.
| Provinco Bergamo | |
| Ŝtato |  Italio
|
|---|---|
| Regiono: |  Lombardio
|
| Kodo laŭ ISO 3166-2: | BG |
| Areo: | 2 723 km² |
| Ĉefurbo: | Bergamo |
| Loĝantaro: | 1 102 670 (2021) |
| Loĝdenso: | 405 loĝ./km² |
| Kvanto de komunumoj: | 243 (2022) |
| Poŝtkodo: | 24000-24100 |
| Kodo laŭ ISTAT: | 016 |
| Telefona prefikso: | 035, 0345, 0346, 0363, 02, 030 |
| Retpaĝo: | oficiala retejo |
 | |
Ĝi samlimas la provincon Sondrio norde, la provincon Lecco, Monza kaj Brianza kaj la teritorion metropola urbo Milano okcidente, la provincon Kremono sude, kaj la provincon Breŝo oriente.
GeografioRedakti
La provinco Bergamo lokiĝas en centra Lombardio. Ĝia okcidenta limo estas la akvodislimo kun la riveroj Brembo (norde) kaj Adda (sude de la Lago de Como); ĝia norda limo estas la ĉefa akvodislimo en la Bergamaj aŭ "Orobaj" Alpoj; ĝia orienta limo estas la akvodislimo inter la valoj Scalve kaj Camonica, kaj poste la lago de Iseo kaj la Oglio rivero. La suda limo estas konvencia.
La norda parto de la provinco estas monta regiono; ĝi okupas la 64% de la provinca teritorio kaj tie lokiĝas la ĉefaj bergamprovincaj valoj, kiel la Bremba valo, la valo Seria valo (de la rivero Serio) kaj la valo Cavallina (de la rivero Cherio). Plej sude lokiĝas monteta strio (okupante la 12% de la provinca teritorio), kie troviĝas la valo San Martino, la Bergamaj montetoj (colline bergamasche) aŭ Bergamaj antaŭalpoj (prealpi bergamasche) kaj la vinkultiva regiono Valcalepio. La plej suda parto de la provinco (24% de la provinca teritorio) apartenas al la Padebenaĵo.
Ĉefaj urbojRedakti
Sekvas listo de la kvin urboj de la provinco kun plej da loĝantoj.
| 1 | Bergamo | [bergamo] | 120 694 loĝ. |
| 2 | Treviljo (Treviglio) | 29 034 loĝ. | |
| 3 | Seriate | [serjate] | 24 297 loĝ. |
| 4 | Dalmine | [dalmine] | 23 266 loĝ. |
| 5 | Romano di Lombardia | [romano di lombardia] | 19 049 loĝ. |
La centra stacidomo de Bergamo
La ĉefpreĝejo en Treviljo
Sanktejo Comonte ĉe Seriate
Panoramo de Albino
|
Regionoj kaj provincoj de Italio |
|
|
BG Bergamo - BS Breŝo - CO Como - CR Kremono - LC Lecco - LO Lodi | |
