Bäriswil BE
|
- La mallongigo BE en Bäriswil BE staras por la svisa Kantono Berno. Por aliaj signifoj de la nomo vidu sub Bäriswil.. |
Bäriswil estis ĝis la 31-a de decembro 2009 komunumo de la distrikto Burgdorf kaj ek de la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 995 loĝantojn je la 31-a de decembro 2009.
| Bäriswil | |
|---|---|
 | |
| Blazono de Bäriswil | |
_159.JPG) | |
| Svisa Mezlando, fotita el balono la 16-an de aprilo 2011, Bärsiwil videblas supre en la centro de la bildo | |
| komunumo en Svislando | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Burgdorf |
| Koordinatoj | 47° 1′ 8″ N 7° 31′ 39″ O / 47.01889 °N, 7.52750 °O (mapo)Koordinatoj: 47° 1′ 8″ N 7° 31′ 39″ O / 47.01889 °N, 7.52750 °O (mapo) |
| Nombro de loĝantoj | 995 |
| Areo | 2,73 km² |
| Alteco | 546 m super marnivelo |
| Poŝtkodo | 3323 |
| Komunumkodo | 0403 |
 | |
| Mapo de Bäriswil | |
Geografio redakti
Bäriswil situas en la Svisa Mezlando, proksimume 10 kilometrojn nordoriente de la federacia urbo Berno. La centran parton de la komunuma teritorio formas iam marĉa kaldrono. De la antaŭa marĉo postrestis la marĉo Bergmoos kun lageto. La komunumo konsistas el la vilaĝo Bäriswil kaj la setlejoj Husmatt, Rüti, Guggeli kaj Feld.
La teritorio de la komunumo etendiĝas sur areo de 2,73 km², de kiuj 42,1% estas kovritaj de arbaro, 46,5% servas por agrikulturo kaj 12,1% por setlado. [1]
Najbaraj komunumoj redakti
La komunumo Bäriswil limas en okcidento kaj nordo al Mattstetten, en nordoriento al Hindelbank, en oriento al Krauchthal, en sudo al Bolligen.
Trafiko redakti
Tra la komunumo pasas la grava kantona ĉefvojo n-ro 1 de Zuriko al Berno. Kvin kilometrojn okcidente ĉe la vojnodo Schönbühl situas la plej proksima alveturejo al la svisa aŭtovojo A1 kaj la svisa aŭtovojo A6. Per buslinio al Schönbühl la komunumo estas konektita al la publika tranpsortreto.
Historio redakti
La unua dokumenta mencio de Bäriswil datiĝas el la jaro 861 kiel Perolteswilare. Bäriswil apartenas al la paroĥo Hindelbank, kun kiu ĝi ĝis 1925 formis tutelan union. Ek de la 14-a jarcento la servuteco pri Bäriswil apartenis al diversaj berncivitanaj familioj kaj fariĝis sub Hieronymus de Erlach en la jaro 1720 parto de la Senjorujo Hindelbank. Ek de 1803 ĝi apartenis al la distrikto Burgdorf, kaj estis kadre de la administra reformo en la jaro 2010 atribuita al la administra distrikto Berno-Mezlando.[2]
Vidu ankaŭ redakti
- Aliaj signifoj de Bäriswil
Notoj kaj referencoj redakti
Eksteraj ligiloj redakti
- Oficiala retejo de la komunumo Bäriswil
- Bäriswil BE en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Bäriswil BE – (Kolekto de bildoj kaj plurmediaj dosieroj)