Ravenna-Bryant (Seatla kvartalo)
Ravenna-Bryant estas kvartalo, aŭ paro da kvartaloj, en Seatlo, Vaŝingtonio, Usono. La urbaj mapoj traktas ilin kiel apartajn kvartalojn, sed ili havas komunan komunuman lokan asocion (Ravenna-Bryant Community Association), kaj iuj instancoj kaj instalaĵoj nomataj "Bryant" (ekzemple la bazlernejo Bryant Elementary School) situas ekster la limoj de tio, kion la urbo nomas Bryant. Ravenna-Bryant enhavas plurajn gravajn kaj vidindajn lokojn. Parko Ravenna (kaj la apuda Parko Cowen en la kvartalo Roosevelt), nomita pro sia ravino laŭ la urbo tiunoma en Italio, invitas piedmigradon sub la ombro da alta arbaro dum somera varmo. La butikaro University Village havas multajn bonajn kaj utilajn butikojn al kiuj venas aĉetemuloj el la tuta urbo. Bulvardo Ravenna estas bona vojo por promeni aŭ bicikli inter Green Lake kaj la norda parto de la Universitata Kvartalo, kaj la konata vojo Burke-Gilman Trail, pieda/bicikla vojo laŭ iama fervoja relaro, transpasas la kvartalon. En biertrinkejo sub librovendejo en Ravenna nun jam de pli ol jardeko okazas la ĉiumonataj kunsidoj de la Seatla Esperanto-Societo. Multaj profesoroj kaj postdiplomaj studentoj loĝas en la kvartalo, ofte en tre imponaj domoj laŭ la bulvardo. Alia strato, Candy Cane Lane, estas regione fama pro siaj kristnaskaj dekoracioj dum Advento.
-
Butikaro (kaj aŭtoparkejo) University Village, ĉe la suda rando de Ravenna-Bryant
-
Domego super la ravino en Parko Ravenna
-
Dometoj laŭ la pieda/bicikla vojo Burke-Gilman Trail
-
Tombejo Calvary en Ravenna-Bryant
Ravenna-Bryant | |
---|---|
kvartalo • civil township | |
Administrado | |
Demografio | |
Geografio | |
Geografia situo | 47° 41′ N, 122° 18′ U (mapo)47.676388888889-122.30194444444Koordinatoj: 47° 41′ N, 122° 18′ U (mapo) [+] |
Stratmapo pri la kvartalo(j) Ravenna-Bryant | |
Alia projekto | |
Vikimedia Komunejo Ravenna, Seattle, Washington [+] | |
Fontoj redakti
Bazita sur informoj en la angla Vikipedio (en apartaj artikoloj "Ravenna" kaj "Bryant").