Renfe-SNCF en Cooperación
Renfe-SNCF en Cooperación / Renfe-SNCF en Coopération estis la komerca nomo por altrapidaj fervojaj servoj inter Hispanio kaj Francio.
Pro manko de profito, kaj pro la malboniĝo de la rilatoj inter SNCF kaj Renfe, la alianco estis dissolvita en decembro 2022[1].
Itineroj redakti
La oferto Renfe-SNCF en Cooperación havis 4 itinerojn, kiuj ebligis kunligi gravajn urbojn de ambaŭ landoj:
- Barcelono-Parizo (Euroduplex aŭ S-100) – 4 ĉiutagaj horaroj
Barcelona-Sants > Girona > Figueres-Vilafant > Perpignan > Narbonne > Béziers > Agde > Sète > Montpellier-Saint-Roch > Nîmes > Valence TGV > Paris Gare de Lyon
- Madrido-Marsejlo (S-100) – 1 ĉiutaga horaro
Madrid-Puerta de Atocha > Zaragoza-Delicias > Camp de Tarragona > Barcelona-Sants > Girona > Figueres-Vilafant > Perpignan > Narbonne > Montpellier-Saint-Roch > Nîmes > Avignon > Aix-en-Provence TGV > Marseille-Saint-Charles
- Barcelono-Liono (S-100) – 1 ĉiutaga horaro
Barcelona-Sants > Girona > Figueres-Vilafant > Perpignan > Narbonne > Béziers > Montpellier-Saint-Roch > Nîmes > Valence TGV > Lyon-Part-Dieu
- Barcelono-Tuluzo (Euroduplex) – 1 ĉiutaga horaro
Barcelona-Sants > Girona > Figueres-Vilafant > Perpignan > Carcassonne > Toulouse-Matabiau
Veturanta materialo redakti
La servo uzis du trajnomodelojn, modelon derivitan de la franca TGV-trajnfamilio konstruita fare de Alstom en Francio kaj la alian modelon de trajnofamilio Alta Velocidad Española, pli konata kiel AVE:
- Euroduplex: La "TGV 2N2", ankaŭ nomita Euroduplex, estas nova versio de la TGV-serio de altrapida trajno. Ĝi sukcedas la TGV Dasye. Nuntempe la plej granda parto de la serio estas konstruata en Belfort kaj La Rochelle.
- S-100: La trajnoj de "serio 100" estis la unuaj rapidtrajnoj kiuj komencis veturi en aprilo 1992 sur la ĵus inaŭgurita linio Madrido-Sevilo. Ĉi tiuj trajnoj estis evoluo de la Atlantika TGV kun multaj modifoj por adapti ilin al la operaciaj kondiĉoj kaj la hispana merkato, kiel nova sistemo por redukti la efikojn de premondoj en la tuneloj, la plifortigo de la potenco de la klimatizilo kaj la enmeto de kontrola kaj signala ekipaĵo LZB kaj Asfa. Post 15-jara aktivado, en la somero de 2009 finiĝis teĥnika kaj estetika renovigo por adapti ilin al la bezonoj de la klientoj.
Referencoj redakti
- ↑ La SNCF met fin à sa coopération avec l'espagnol Renfe (france). Les Echos (2022-02-16). Alirita 2022-02-16.
Vidu ankaŭ redakti
Eksteraj ligiloj redakti
- Oficiala retejo de Renfe-SNCF en Cooperación Arkivigite je 2021-12-21 per la retarkivo Wayback Machine
- Oficiala retejo de Renfe
- Oficiala retejo de SNCF
Fonto redakti
En tiu ĉi artikolo estas uzita traduko de teksto el la artikolo Renfe-SNCF en Cooperación en la hispana Vikipedio.