Reto de grandaj lokoj de Francio
Reto de Grandaj Lokoj de Francio (france Réseau des Grands Sites de France (RGSF) estas franca asocio agnoskita kiel ĝeneralinteresa, kreita la 7-an de novembro 2000, kiu arigas lokajn organizaĵojn responsaj pri administrado kaj valorigo de klasita loko, kun forta fameco kaj tre multa vizitado.
Aliĝo al tiu asocio ne devas esti konfuzita kun marko « Grand Site de France », kiu estas oficiala marko ordenita de ministerio pri ekologio, daŭriva evoluigo kaj energio.
Reto de Grandaj Lokoj de Francio redakti
Reto de Grandaj Lokoj de Francio arigas unuflanke la grandajn lokojn, kiuj ricevis la markon "Grand Site de France", kaj aliflanke la lokojn, kiuj konsentas pri iliaj valoroj kaj celas iam akiri tiun markon. Ĝi arigas la organizaĵojn, kiuj administras grandajn lokojn (departementaj konsilioj, komunumoj, komunumaroj, ktp).
Kio estas "Granda Loko" ? redakti
Grand Loko estas teritorio rimarkinda pro siaj pejzaĝaj, naturaj kaj kulturaj kvalitoj, kies nacia dimensio estas agnoskita per klasado de signifika parto de ĝia teritorio laŭ leĝo de 1930, kaj kiu akceptas multe nombran publikon.
Kio estas "Grand Site de France" ? redakti
Grand Site de France estas franca klasita natura loko kun granda fameco kaj tre multnombra vizitado al kiu estis atribuita la marko "Grand site de France". Tiu franca oficiala marko estis kreita de la ŝtato en 2003 por helpi la agon de administrantoj de klasitaj lokoj.
Kion signifas administri grandan lokon ? redakti
Responsuloj pri grandaj lokoj estas komisiitaj :
- protekti tiujn esceptajn lokojn,
- akordigi protekton kaj akcepton de multnombra publiko deziranta malkovri aŭ refortiĝi en tiuj grandaj pejzaĝoj,
- trovi plej bonan ekvilibron inter vizitantoj kaj loĝantoj, turisma tradicio kaj ĉiutaga vivo de tiuj, kiuj tie vivas kaj vivigas ilin,
- promocii valorojn de daŭriva evoluigo.
Tiuj agoj estas kondukataj kun du ambicioj:
- protekti la "spiriton de la lokoj" propran al ĉiu loko,
- kontribui al ekonomia kaj sociala evoluigo de la teritorio.
Nacia politiko pri Grandaj Lokoj redakti
Nocio de "grand site" datiĝas de 1976 kiam la ŝtato ekigis publikan politikon por restaŭri la rimarkindajn kvalitojn kaj plibonigi akceptadon de vizitantoj al iuj klasitaj naturaj lokoj la plej vizitataj kaj famaj.
Tiu politiko, nun kondukata de ministerio pri ekologio, daŭriva evoluigo kaj energio, estas komisiita al oficejo pri protektitaj lokoj kaj areoj. Ĝi estas difinita en ministeria cirkulero de la 21-a de aprilo 2011 pri politiko pri grandaj lokoj kaj en ties aneksaĵo titolita "Referenca dokumento pri politiko pri grandaj lokoj".
Unu el la rimedoj uzataj de la ministerio por akompani tiun politikon estas "Operacio grands sites" (OGS). Temas pri restaŭro de tiuj rimarkindaj lokoj kunlabore kun ĉiuj partneroj. Tio ebligas ankaŭ starigi por granda loko projekton pri regado kun daŭriva evoluigo, kiu ofertos kontentigan akceptadon de vizitantoj, daŭrivan protekton de la pejzaĝo kaj generadon de lokaj ekonomiaj profitoj en respekto al loĝantoj kaj civila socio. Reto de grandaj lokoj de Francio arigas lokojn engaĝitajn en operacio grands sites aŭ en simila agado kun samaj celoj.
Listo de membroj de reto de grandaj lokoj de Francio redakti
En julio 2012, estis kvardek lokoj anoj de Reto de grandaj lokoj de Francio[1].
Kiam estas "(GSF)" antaŭ nomo, tio signifas ke tiu loko estas ankaŭ ordenita Grand site de France.
- Abatejo Beauport
- (GSF) Aven d'Orgnac
- Alesia
- (GSF) Golfo de Somme
- Golfo de monteto Sankta-Mikaelo
- (GSF) Bibracte-Monto Beuvray
- Garda Kamargo
- Kabo de Erquy kaj Kabo Fréhel
- Cirque de Navacelles
- Cirque de Sixt Fer à Cheval
- Cité de Carcassonne
- Domaine du Rayol
- Dune du Pilat
- Dunoj de Flandrio
- Estuaro de Charente - Arsenalo de Rochefort
- Gorges de l'Ardèche
- Gorges du Gardon
- Gorges du Tarn kaj de Jonte
- Kanjono de Verdon
- Iles Sanguinaires - Pinto de Parata
- (GSF) La du kaboj, Kabo Blanc-Nez kaj Kabo Gris-Nez
- Marĉo kaj fortika urbo Brouage
- (GSF) Potevia Marĉo
- (GSF) Masivo Canigó
- Massif dunaire de Gâvres-Quiberon
- Masivo Ocres
- Ventoux
- Pointe des Châteaux
- (GSF) Pinto de Raz en Kabo Sizun
- (GSF) Pont du Gard
- Duoninsulo de Giens-Salins d'Hyères
- (GSF) Puy de Dôme
- (GSF) Puy Mary, vulkano de Cantal
- Rocamadour
- (GSF) Roko Solutre, Roche de Vergisson - (Granda loko Solutré-Pouilly-Vergisson)
- (GSF) Saint-Guilhem-le-Désert kaj Kanjono de Hérault
- (GSF) Monto Sainte-Victoire
- Valo Clarée
- Valo de Restonica
- Valo Salagou
- Paulilles
Bibliografio redakti
- Petit traité des Grands Sites, Réfléchir et agir sur les hauts lieux de notre patrimoine, kunordigita de Jean Pierre Thibault, Icomos France /Actes Sud, marton 2009
- Duval, M., & Gauchon, C. (2007, aprilon). Kritika analizo de politiko pri mediaranĝo, la Operacioj Grandaj Lokoj. en "Annales de géographie" (No. 2, p. 147-168). Armand Colin. resumo
- Ministerio pri Medio kaj Vivkadro (1979), Note d’orientation sur la politique des grands sites menacés, komisio "Espaces naturels et Cadre de vie", 4 p.
- Ministerio pri Medio (1997), Les opérations grands sites (OGS), ĝenerala prezento, noto de la 29-a de aprilo, 3 paĝoj.
Galerio redakti
Fotaro de oficiala TTT-ejo de reto de grandaj lokoj de Francio
