Revolucio de la Diantoj

La Revolucio de la Diantoj (portugale Revolução dos Cravos; ĝia oficiala nomo en Portugalio estas la Revolucio de 25 aprilo, en la portugala: Revolução de 25 de Abril) estis sensanga maldekstra revolucio kiu je la 25-a de aprilo 1974 ŝanĝis la portugalan registaron el diktaturo al liberala demokratio.

Mura surskribo: Vivu la 25an de aprilo!

Ĝi havis sian komencan punkton en Lisbono, kiam grupo de militistoj komencis movadon, por forigi la tiaman registaron, estritan de Marcello Caetano, posteulo de la salazarista reĝimo. La movado pruviĝis paca, kaj la apogo al la militistoj fare de la civila popolo estis simboligita per la diantoj al ili donacitaj, kiuj donis al la movado ĝian nomon.

Ĝin ankaŭ favoris la movadoj de sendependeco de la tiamaj portugalaj kolonioj Angolo, Mozambiko kaj Gvineo Bisaŭa.

Pli detalaj informoj troveblas en artikolo Koloniaj Portugalaj Militoj.

Interesaĵoj

La kanto Grândola, Vila Morena de portugala komponisto Zeca Afonso estis elsendata en la radio, markante komencon de la puĉo. Estas versio en Esperanto.

La filmo Capitães de Abril de Maria de Medeiros estas omaĝo al junaj soldatoj kiuj renversis la diktaturon kaj starigis demokration, elstare Salgueiro Maia.

Gravuloj

• Otelo Saraiva de Carvalho
• Américo Tomás

Vidu ankaŭ

• Hispana transiro
• Nova Ŝtato

En Esperanto

• Prelego de Ŝana Paz en Jutubo dum reta SAT-kongreso de somero 2021
• Artikolo okaze de la 30-a datreveno de la Revolucio de la Diantoj en aprilo 2004
• Artikolo okaze de la 50-a datreveno de la Revolucio de la Diantoj en aprilo 2024 en la retejo Global Voices la 18-an de majo 2024

Bildgalerio

• 
  En Portugalio, la revolucio kiu elpovigis salazarismon estas konata populare kiel "la 25a de Aprilo"
• 
  Diantoj