Julius Wilhelm Richard Dedekind
Julius Wilhelm Richard DEDEKIND (naskiĝis en Braunschweig je la 6-an de oktobro, 1831, mortis en Braunschweig je la 12-an de februaro, 1916) estis germana matematikisto. Li grave kontribuis al la formiĝo de ringo-teorio, de la nocio idealo, kiu iĝis ŝlosila koncepto en nombro-teorio kaj abstrakta algebro, kaj al aro-teoria fundamento de la matematike kohera nocio reelaj nombroj.
| Julius Wilhelm Richard Dedekind | |
|---|---|
| |
| Persona informo | |
| Naskiĝo | 6-an de oktobro 1831 en Brunsvigo |
| Morto | 12-an de februaro 1916 (84-jaraĝa) en Brunsvigo |
| Tombo | Braunschweig Main Cemetery |
| Lingvoj | germana |
| Ŝtataneco | Germana Federacio • Germana Imperiestra Regno |
| Alma mater | Universitato de Göttingen • Humboldt-Universitato en Berlino • Brunsviga Universitato de Teknologio |
| Familio | |
| Patro | Julius Dedekind |
| Patrino | Caroline Marie Henriette Emperius |
| Frat(in)oj | Julie Dedekind • Adolf Dedekind |
| Edz(in)o | – |
| Okupo | |
| Okupo | matematikisto • filozofo • universitata instruisto |
| Verkoj | Vorlesungen über Zahlentheorie |
Richard Dedekind, filo de la Braunscheig-a juristo kaj altlernej-instruisto Julius Dedekind, atendis la Martino-Katharineum en Braunschweig (prononcu: Braunŝvajg). Ekde 1848 li studis matematikon ĉe la tiea kolegio Carolinum. La studadon li plilongigis en Göttingen, kie li doktoriĝis ĉe Gauss - kiel ties lasta doktoranto - pri la teorio de la Eŭleraj integraloj.
En 1854 li habilitiĝis en Göttingen, mallonga tempo post Bernhard Riemann (prononcu: Bern(h)ard Riman). Ekde 1862 ĝis sia emeritiĝo en la jaro 1894 li verkis kiel profesoro pri matematiko ĉe la Braunschweig-a 'altlernejo pri tekniko'.
