Saalfeld

Saalfeld
	Blazono
Administrado
Poŝtkodo	07318 [+]
En TTT	Oficiala retejo [+]
Demografio
Loĝantaro	28 772 (2021) [+]
Loĝdenso	248 loĝ./km²
Geografio
Geografia situo	50° 39′ N, 11° 21′ O (mapo)50.65055555555611.354166666667Koordinatoj: 50° 39′ N, 11° 21′ O (mapo) [+]
Alto	235 m [+]
Areo	116,04 km² (11 604 ha) [+]
Horzono	UTC+01:00 [+]
	Situo de Saalfeld
	Situo de Saalfeld
Alia projekto
	Vikimedia Komunejo Saalfeld/Saale [+]
	v • d • r

Saalfeld [prononco "Zalfelt"] estas urbo en la germana federacia lando Turingio. Ĝi situas en la distrikto Saalfeld-Rudolstadt kaj estas ties administra centro. La urbo situas borde de la rivero Saale.

SituoRedakti

La urbo situas je 240m super la marnivelo en iu vallarĝiĝo de la rivero Saale ĉe la norda rando de la turingia skista montaro. La loĝantaro kalkuliĝas al 28200 homoj. Troviĝas en la urbo i.a. medicina fakaltlernejo, muzeo, galerio por nuntempa arto, teatro, la seĝo de la turingia simfonia orĥestro, kliniko, elektrika industrio, medicinteĥnikejo, ilaruzino, ĉokoladfabriko. Krome la urbo estis kaj estas konsiderinde grava fervoja nodo. En la sudoriento oni vizitu la famekonatajn Grotojn de la feinoj ĉe loko ekde 1846 ne plu funkciinta kiel minejo (aluno).

La ĉefaj kuriozaĵoj estas la sekvontaj: urbodomo (1529–37); paroĥa preĝejo (14.-16. jarc.) de Sankta Johano [trinava gotika hala kirko kun figurriĉa timpano, sankta tombo, ligna skulpturo de la sanktulo]; foireja apoteko [iama loĝtureto de la urba vokto]; baroka kastelo kun kapelo; kastelo Kitzerstein; burgruino "Hoher Schwarm"; franciskana monaĥejo nun servanta kiel urba muzeo; impona urba remparo kun kvar pordegoj; Preĝejo Sankta Gertrudo (Graba) kun granda malfrugotika aloforma altaro; parko kaj vilao Bergfried.

Ĝis la Reformacio Saalfeld famis pro la skulptartistoj de la Skolo de Saalfeld kaj la Abatejo de Saalfeld, lulilo de multaj kristanaj komunumoj turingiaj. En Wickersdorf aktivis la konata reformpedagogia lernejo FSG Wickersdorf.

FaktojRedakti

Areo: 44,72 km²
Loĝantaro: 28.393 (en 2003)
Alteco: 235 m super la marnivelo
Situo: 50° 39' NO, 11° 22' OR

Partneraj urbojRedakti

Stains (norda antaŭurbo de Parizo, Francio) ekde 1964
Sokolov (Ĉeĥio) ekde 1974
Kulmbach (Bavario) ekde 1988
Samaipata (Bolivio) ekde 1996
Zalewo (Pollando) ekde 2001

Homoj kun gravaj rilatoj al SaalfeldRedakti

Caspar Aquila, enkondukanto de Reformacio
Caspar Ratzenberger, botanikisto kaj medicinisto
Karl Ernst Hüther, fabrikestro kaj nemoveblaĵposedanto
Karl Friedrich Geldner, filologo kaj hindologo
Ludwig Engelhardt, skulptisto
Marthe Renate Fischer, verkistino; vivis en Saalfeld inter 1914 kaj 1925
Erasmus Reinhold, astronomo kaj matematikisto, konsiderata kiel la plej influa pedagogo pri astronomio de sia generacio

VidindaĵojRedakti

En la stalaktita kaverno
"Groto de la feoj"

situo de la urbo en Germanio
la pordego Blankenburger Tor
la pordego Saaltor

Bibliotekoj