Samara (urbo)

Por aliaj signifoj, bv. rigardi la apartigilan paĝon: Samara

Samara (ruse Самара) estas milionurbo en Samara provinco en Rusio. Samara estas la sesa plej granda urbo de la lando kaj estas grava universitata urbo. Samara estas sur maldekstra bordo de rivero Volgo (Волга)

Samara
Flago	Blazono
Administrado
Poŝtkodo	443000–443999 [+]
En TTT	Oficiala retejo [+]
Demografio
Loĝantaro	1 169 719  (2017) [+]
Loĝdenso	2 162 loĝ./km²
Geografio
Geografia situo	53° 11′ N, 50° 7′ O (mapo)53.18333333333350.116666666667 [+]
Alto	100 m [+]
Areo	541 km² (54 100 ha) [+]
Horzono	UTC+04:00 [+]
DEC Situo de Samara
DEC Situo de Samara
Alia projekto
Vikimedia Komunejo Samara [+]

Ĝi estis ankaŭ nomata kiel Kujbiŝev (Куйбышев) ekde 1935 ĝis 1990. (Ekzistas ankaŭ la alia urbo Kujbiŝev en Novosibirska provinco en Rusio. Ankaŭ la alia urbo Bolgar en Tatarstano en Rusio antaŭe estis nomata kiel Kujbiŝev.)

Bazaj informoj

Kodo de OKATO de la urbo (en jaro 2005) estas 36401.

La interurba telefona kodo estas 8462, la enurbaj telefonnumeroj estas sesciferaj (en jaro 2005).

Diferenco de la loka kaj moskva tempoj estas 1 horo (en jaro 2005).

En jaro 1959 la urbo havis 806 mil loĝantojn.

En jaro 2002 la urbo havis 1176 mil loĝantojn.

Geografio

Samara estas sur maldekstra bordo de rivero Volgo (Волга) (Saratova akvujo (Саратовское водохранилище)) ĉe enfluo de rivero Samara (Самара).

Historio

Riverborda panoramo de Samara

La unua mencio okazis en 1357. Samara estis fondita en 1586 kaj ricevis urban staton en 1780.

Edukado

En Samara 14 universitatoj kaj aliaj altlernejoj funkcias, la plej fama okupiĝas pri spacoveturado.

Ekonomio

Samara estas urbo de la peza industrio. Dum la 2-a mondmilito fabrikoj por flugmaŝinoj translokiĝis el la okupitaj lokoj tien.

Trafiko

Samara havas internacian flughavenon kaj gravan fervojan stacidomon. La rivera haveno faras kontaktojn kun Volgogrado, Rostov, Nigra Maro, Kaspia maro, Niĵnij Novgorod, Moskvo kaj Balta maro. En la urbo krom la kutimaj vojaĝiloj ankaŭ metroo funkcias.

Ĝemelurboj

Ortodoksa katedralo en Samara

• Stuttgart, Germanio (1992)
• Ĝengĝoŭo, Ĉinio
• St. Louis, Usono
• Stara Zagora, Bulgario
• Dnipro, Ukrainio
• Denizli, Turkio
• Koper, Slovenio
• Palermo - Italio (2008)

Esperanto en Samara

En la urbo funkcias esperanto-klubo ekde la frua 20-a jarcento. Ĝi tenas kontaktojn kun la esperanto-klubo de Stuttgart, kiu estas ĝemelurbo de Samara.

Esperantistoj:

• Vladimir I. Ionesov;
• Vasilij Ĵeleznjakov (pioniro);
• Maria Prilepskaja.

Vidu ankaŭ

• Metroo de Samara
• Listo de milionurboj
• Lingva festivalo

Eksteraj ligiloj

• http://www.samara.ru Retejo de urbo