Malfermi la ĉefan menuon

La Sandarmoĥ (ruse Сандармох, de la karela Sandarmoh) estas montarmasivo, kiu troviĝas apud la urbo Medveĵjegorsk, Respubliko Karelio. Sandarmoĥ iĝis amasa ekzekutejo dum la Granda purigo dum la regado de Josif Stalin.

HistorioRedakti

Dum la konstruado de Blankmara kanalo en 1937, multaj malliberuloj de la Solovecaj insuloj estis ekzekutitaj tie de soveta sekreta polico NKVD. Multaj ukrainaj verkistoj kaj artistoj kiel Mikola Kuliŝ kaj Lesj Kurbas estis ekzekutitaj en Sandarmoĥ, same kiel 141 finndevenaj usonanoj[1] kaj 127 finndevenaj kanadanoj,[2] kiuj migris al Sovetunio dum la Granda depresio. Laŭ arĥivo de FSB, reprezentantoj de pli ol 60 nacioj estis ekzekutitaj tie inter 1937 kaj 1938.

La ekzekutejo estis trovita de la rusia homrajta organizaĵo Memorial en 1997, laŭ iniciato de homrajta aktivisto Jurij Dmitrijev. Samjare la registaro de Karelio konstruigis tie memorialon por la viktimoj.[3]

Famaj viktimojRedakti

ReferencojRedakti

  1. John Earl Haynes kaj Harvey Klehr. In Denial: Historians, Communism, and Espionage. Encounter Books, 2003. ISBN 1-893554-72-4 p. 235
  2. John Earl Haynes kaj Harvey Klehr. In Denial: Historians, Communism, and Espionage. Encounter Books, 2003. ISBN 1-893554-72-4 p. 117
  3. retpaĝo de karela kultura centro ruse

Vidu ankaŭRedakti