Malfermi la ĉefan menuon
Sankta Mikaelo luktanta kontraŭ la drako de Albrecht Durero.
La vendotaj presaĵoj estis man-kolorigitaj.

Sankta Mikaelo luktanta kontraŭ la drako estas lignogravuraĵo de 1498 farite de Albrecht Dürer, parto de lia serio por la Apokalipso, kiu ilustraciis la Apokalipso aŭ Revelacio de Sankta Johano. La bildo montras militan scenon en kiu anĝeloj venkas super diabla estaĵo.

Laŭ la rakonto en la Biblio la komandanto de la Armeo de Dio, nome la ĉefanĝelo Sankta Mikaelo estras aliaj anĝelojn en batalo kontraŭ la malbono, reprezentata en tiu bildo per sepkapa drako. Ĉiu el la dragokapo reprezentas po unu el la sep gravegaj pekoj. Durero elektis montri tiun batalon inter bono kaj malbono en la momento kiam Sankta Mikaelo ŝovas sian glavon en unu el la drakokapoj. Ĉirkaŭ Sankta Mikaelo estas tri aliaj anĝeloj pretaj ataki. Sub la batalo kuŝas kalma kaj serena pejzaĝo kun montoj kaj urbeto, markita per preĝejo kun alta spajro, kaj alia en la fono. Plej sube en la centro de la bildo Durero metis sian distingan monogramon “AD” kiu estas en ĉiuj liaj gravuraĵoj.

La influo de la trejnado de Durero kun Michael Wolgemut povas esti vidata en la kvanto de detaloj de la presaĵo. Durero inkludas detalojn kiuj gamas el la arbetoj ĉirkaŭ la urboj al detaloj de la vizaĝo de Sankta Mikaelo. Durero uzas atmosferan perspektivon por krei la iluzion de spaco priskribante la montojn per malpli da detalo. Li kreas diferencan lumon kaj malhelajn tonojn pere de sia uzado de linioj. Pri la pozoj de la figuroj, speciale Sankta Mikaelo, Durero elrompis el la tradicia pozo de heroo luktanta kontraŭ malbono kiu estas pli eleganta kaj anstataŭe metas Sanktan Mikaelon en pozo, kiu kaptas la enormecon de la entreprenata tasko. La brovoj de Sankta Mikaelo montras koncentron kaj liaj manoj estas sur la glavo, kaj kuraĝe atakas la drakon. Ĉiuj originalaj lignogravuraĵoj de la serio estis faritaj el ligno el pirarbo.

ReferencojRedakti

  • Kleiner, Fred S., kaj Helen Gardner. Gardner's Art Through the Ages: A Global History. Boston, MA: Thomson/Wadsworth, 2009.
  • "Sixteenth Century." Sixteenth Century: A Heavenly Craft, The Woodcut in Early Printed Books. 3a de oktobro 2005. Library of Congress. 7a de marto 2010 [1]
  • "St. Michael Fighting the Dragon by Albrecht Durer." BackToClassics.com Virtual Art Gallery. 2009. BackToClassicals.com. 1a de marto 2010 [2]
  • "The Revelation of St John: 11. St Michael Fighting the Dragon." Web Gallery of Art. 28a de februaro 2010. [3]
  • Zuffi, Stefano. Dürer. London: DK, 1999. Print.

Eksteraj ligilojRedakti