Sezen Aksu

Sezen Aksu (n. la 13-an de julio 1954) estas turka popmuzika kantistino, kantverkistino kaj muzikproduktisto. Ŝi estas unu el la plej sukcesaj artistoj en Turkio. Ŝi vendis pli ol 40 milionojn da albumoj[1]. Ŝi estas nomata ankaŭ "Reĝino de la turka popmuziko"[2] kaj Minik Serçe ("Malgranda Pasero").

Sezen Aksu
Sezen Aksu konseri 2012.jpg
Persona informo
Naskiĝo 13-an de julio 1954 (1954-07-13) (67-jara)
en Sarayköy
Lingvoj turka
Ŝtataneco Turkio
Subskribo Sezen Aksu
Okupo
Okupo kantistokomponisto • kantotekstisto • kantoverkistoaktoromuzikproduktisto • diskografa artisto
TTT
Retejo http://www.sezenaksu.com.tr/
Wikidata-logo.svg
Information icon.svg
vdr

BiografioRedakti

Sezen Aksu naskiĝis Fatma Sezen en Sarayköy, 20 kilometrojn okcidente de Denizli . Ŝia familio translokiĝis al Bergama kiam ŝi estis trijara. La gepatroj de Aksu malinstigis ŝin kanti, ĉar ili volis ke ilia filino havu stabilan profesion kiel kuracisto aŭ inĝeniero.

Muzika karieroRedakti

Kune kun ŝia proksima amiko Ajda Pekkan, ŝi laŭdire metis la fundamentojn por la turka pop-muziko en la 1970-aj jaroj.  Ŝia muziko ankaŭ disvastiĝis tra Grekio kaj la balkanaj landoj. Multaj muzikistoj, ekzemple Alexander Hacke kaj pluraj el la artistoj kiujn Hacke intervjuis por la dokumenta filmo Crossing the Bridge: The Sound of Istanbul -- agnoskis la influon de Sezen Aksu. Krome, ŝi faris kompaktdiskon (Düğün ve Cenaze) kune kun Goran Bregović en 1997.

Ŝi ankaŭ uzas la tielnomitan malnovturkan lingvon en siaj kantotekstoj, kiu ne estas uzata tre ofte nuntempe. Ŝiaj plej famaj kantoj inkludas, inter aliaj. Sen Ağlama (1984), Belalım (1989), Hadi Bakalım , Her Şeyi Yak (ambaŭ 1991), Ben Sende Tutuklu Kaldim (1998), Sarı Odalar (2000) aŭ İstanbul İstanbul Olalı (2002).

Ŝia plej sukcesa kanto Hadi Bakalım de la albumo Gülümse ankaŭ estis publikigita eksterlande

Ŝi estis implikita en multaj diversaj sociaj temoj kiel ekzemple virinaj rajtoj kaj GLAT-rajtoj samkiel vivmediaj kaj edukaj reformoj en Turkio.  

MultlingvecoRedakti

La 20-an de majo 2002, Sezen Aksu publikigis ŝian albumon I Need to Sing. La artisto, kiu faris koncertvojaĝon post la albumo la 12-an de junio 2002, prezentis la koncertserion "Türkiye Şarkıları" (Kantoj de Turkio), kiu kunigis ĉiujn lingvojn kaj kulturojn de Turkio. La Infana Koruso de la Municipo Diyarbakır akompanis la artiston kune kun grekaj, ortodoksaj , armenaj kaj judaj korusoj ĉe la koncertoj. Sur la scenejo estis kantitaj (popolaj) kantoj en la lingvoj turka, kurdaj, armenaj kaj grekaj. La DVD "Türkiye Şarkıları" de la koncerto enhavas turkajn kaj anglajn kantotekstojn kun tradukoj en diversaj aliaj lingvoj.

Talenta subtenoRedakti

Ŝi subtenas aliajn kantistojn kunlaborante aŭ verkante kantojn por ili. Ŝi estas la virino malantaŭ la kulisoj de steluloj kiel Sertab Erener kaj Tarkan kiu rezultis en sukceskantoj kiel "Şımarık" kaj "Şıkıdım". Ŝi ankaŭ surbendigis la kanton Gidiyorum Bu Şehirden (aŭdebla en la albumo Deliveren de Aksu (2000), kune kun Haris Alexiou, unu el la plej konataj grekaj kantistinoj.

ReferencojRedakti

  1. (en) CD Baby, arkivita je la 2-a de majo 2006, Wayback Maŝino.
  2. (en) "6moons.com - world music: Sezen Aksu "Sarki Söylemek Lazim". 6moons.com.

Eksteraj ligilojRedakti

Oficiala retejo

Sezen Aksu - Türkiye Şarkıları - Kantoj de Turkio (tuta koncerto)

Sezen Aksu - kantoj en YouTube