Simone Glodeau

Simone GLODEAU (aŭ, esperantigite, Simono GLODO, aŭ Glodino) estis franca esperantistino, aktivulo de la laborista movado, naskiĝis en 1899 kaj mortis la 8-an de majo 1987.

Simone Glodeau
Persona informo
Naskiĝo	30-an de novembro 1898 (1898-11-30)
Morto	8-an de majo 1987 (1987-05-08) (88-jaraĝa)
Lingvoj	Esperanto
Ŝtataneco	Francio
Familio
Edz(in)o	Ludoviko Glodeau
Okupo
Okupo	esperantisto

SAT-anino kaj tre aktiva membro de SAT-Amikaro kun sia edzo Ludoviko, kiu antaŭe en 1921 jam helpis al la starigo de SAT dum la Universala Kongreso en Prago. Ŝi interalie redaktis la francan broŝuron Une humanité, une langue, poresperanta pledo, kiu plu haveblas ĉe la SAT-Amikara libroservo, kiun ŝi prizorgis ĝis 1966. Aldone, ŝi estis sekretario de SAT-Amikaro ĝis 1979.

Verkoj

• Une Humanité, une langue, 1946
• Une Humanité, une langue, 1973 (draste reviziita broŝuro, en kiu malaperis interalie detala historia skizo pri la laborista esperanto-movado).

Recenzoj

Pri la eldono de 1946

„ Nova propagandilo Franclingva, en ok ĉapitroj. Enhavo : La neceso por I.L. Principoj de serĉado. Diversaj projektoj. Vivo de Zamenhof. Strukturo de Esperanto. Sukcesoj atingitaj. Eduka kaj ideala valoro de Esperanto. Estonta agado. La verko prezentas la movadon freŝe, racie, kaj konvinke ; de SAT-vidpunkto, tamen simpatie por ĉiu. Ni deziras por ĝi grandan disvastiĝon kaj sukceson. ” — La Brita Esperantisto - Numeroj 499-500 nov-dec 1946

Eksteraj ligiloj

• Kio pri la SAT-aninoj ? Arkivigite je 2022-12-22 per la retarkivo Wayback Machine, artikolo el La SAGO (aprilo-majo 2005)
• Por fini ĉapitron (pri la libroserva agado de ge-Glodoj), 1966
• Biografieto en franclingva enciklopedio pri aktivuloj el la laborista movado
• Persona slipo en datumbazo de mortintoj en Francio