Centra Masivo: Malsamoj inter versioj

La '''Centra Masivo''' ([[franca lingvo|france]] ''Massif Central'') estas [[montaro]] en la centro kaj sudo de [[Francio]], kiu havas areon de 85.000 km², kio korespondas al 15 procentoj de la ŝtata teritorio. Ĝi altas averaĝe 700 metrojn, kaj la plej supra punkto altas preskaŭ 1900 metrojn: la montomonta masivo [[Monts Dore]] kun 1886 metroj da alteco. Nek geologie nek geografie la regiono havas ekzaktan limon. Se oni kunkalkulas al la Centra Masivo la montoĉenon ''[[Cevenoj]]'', la limo de la regiono en la oriento kaj sudo relative klaras, ĉar la ĉirkaŭe relative ebena teritorio abrupte altiĝas tie, kie komenĉiĝas la Cevenoj. Plej norda parto de la Masivo konsideriĝas la regiono [[Beaujolais]] ĝis preskaŭ la urbo [[Mâcon]], la plej suda punkto estas la Montagne Noire (nigra monto) ĉe la la limo al la [[departemento]] [[Aude (departemento)|Aude]] - tamen ambaŭ partoj havas ankoraŭ altecon de pli ol 1000 metroj. En la nordo kaj okcidento la limo de la Masivo al ĉirkaŭaj pejzaĝoj estas pli laŭŝtupa. [[Limousin]], [[Marche]] kaj [[Bourbonnais]] estas la nomoj de la najbaraj pejzaĝoj, kiuj enkadrigas la Centran Masivon en formo duonluna.