Venceslaa Placo: Malsamoj inter versioj

'''Venceslaa Placo''' (ĉeĥe: ''Václavské náměstí''), kies amplekson difinis Karolo IV mem, estas la plej granda placo de la ĉefurbo kaj ekde sia fondiĝo ĝi estas centro de la komerca vivo. Ĝi ludis gravan rolon en la historio de Prago; ekz. en 1848 oni celebris tie tri naciajn Pentekostajn mesojn, kiuj iniciatis la ekflagron de revolucio. Ankaŭ en la 20-a jarcento la placo estis scenejo de gravaj politikaj manifestaĵoj. La domoj de la placo devenas el la lasta kvarono de la 19-a kaj el la 20-a jarcentoj. Supre fermas la placon monumenta novrenesanca konstruaĵo, la ''Nacia Muzeo'', kiun oni konstruis laŭ la planoj de arkitekto J. Schulz en la jaroj 1885-90. Sub la Muzeo, iomete pli proksime al centro de la placo, staras ''monumento de Sta. Venceslao'', eminenta verko de la skulptisto J. V. Myslbek el la jaroj 1912-1913, formanta optikan kulminon de la tuta placo. La supera duono de la Venceslaa placo havas ankaŭ tri novajn konstruaĵojn, kiuj reprezentas la nuntempan ĉeĥoslo-vakan arkitekturon; ili estas nome: la ''"Domo de nutraĵoj"'' (Dům potravin), la moderna ''hotelo "Jalta"'', kaj la ''"Domo de la modo"'' (Dům m�dy). Menciinda estas plue ''la novrenesanca domo'' de arkitekto A. Wiehl sur angulo de strato Vodičkova, kun fasado ornamita per pentraĵoj de L. Novák laŭ proponoj de Mikoláš Aleš kaj de arkitekto J. Fanta.▼