Arminio (Ĥeruska tribestro): Malsamoj inter versioj

'''Arminio''' ([[latina lingvo|latine]] '''Arminius''' respektive [[germana lingvo|germane]] '''Hermann der Cherusker'''; [[-16|16 a.K.]] – [[22|22 p.K.]]) estis tribestro de la [[Ĝermanoj|ĝermana tribo]] de [[ĥeruskoj]]. Li naskiĝis dum la jaro [[-17|17]] aŭ [[-16|16]] antaŭ Kristo kiel filo de la ĥeruska tribestro ''Segimero''. Arminio estis trejnita kiel [[Romio|romia]] militestro, kaj akiris romian civitanecon antaŭ ol reveni al [[Ĝermanio]], kie li gvidis armeon el pluraj ĝermanaj triboj, kiu venkis tri romiajn [[legio]]jn sub gvido de la romia armeestro ''[[Varus|Publius Quinctilius Varus]]'' dum batalo iom norde de la ''[[Teŭtoburga Arbaro]]'' (germane [[Teutoburger Wald]]) dum la jaro [[9]] post Kristo: tutekzakte la batalo okazis en [[Kalkriese]] inter la urboj [[Osnabrück]] kaj [[Damme]] en la nuna germana [[federacia lando (Germanio)|federacia lando]] [[Malsupra Saksio]]. Flanke de la romia armeo en tiu batalo mortis 15.000 soldatoj. La por la Romia Imperio katastrofa malvenko traŭmatigis la romianojn, kiuj kutimis je venkoj ĉie en la por ili atingebla mondo: rezulte forlasiĝis ĉiuj romiaj setlejoj oriente de la rivero [[Rejno]].