Liberio: Malsamoj inter versioj

----

<TABLE BORDER=1>

 

Liberio estas la plej malnova [[respubliko]] moderntipa de Afriko, fondita de eks-sklavoj el [[Usono]]. Ekde la komenco ĝin markis duraj konfliktoj inter la regantaj "uson-liberianoj" anglalingvaj (ĉ. 5 centonoj de l' enloĝantaro) kaj la regataj "afrik-liberianoj" diverslingvaj. [[Charles TAYLOR]], filo de usondevena kaj afrik-liberia gepatroj, prenis potencon en [[1997]] en sanga revolto kontraŭ tiama ŝtatestro Doe, kiu estis torturita ĝismorte antaŭ filmanta kamero. Sub Taylor, la potenco iomete pli bone disdividiĝis inter la malsamaj gentoj de la lando. Aliflanke, li baldaŭ fifamiĝis kiel kruela diktatoro, kaj en lia periodo ekflamis sangaj militoj kaj en Liberio kaj en najbarlando [[Siera-Leono]]. Somere de [[2003]], ribelaj grupoj kiel [[LURD]] atingis kontrolon de 4 kvinonoj de la lando, kaj Taylor trovis sin sub fortega premo, kaj de ribelintoj, de eksĉeflando Usono, kaj de internacia socio: la [[UN-tribunalo de Siera-Leono]] kulpigis lin pro ekigo de konfliktoj en ambaŭ landoj kaj akuzis lin pro krimoj kontraŭ la homaro. La [[13-a de aŭgusto|13-an de aŭgusto]] 2003 Taylor iris azil-cele al [[Niĝerio]], transdoninte la prezidentecon al antaŭa vicprezidanto [[Moses BLAH]].