'''KERÉNYI Károly''' (kerenji) klasik-filologo, religihistoriisto, universitata profesoro, redaktoro, akademiano ([[Temeŝvaro]], [[15-a de januaro]] [[1897]] – [[Kirchberg]] apud [[Zürich]], [[Svislando]], [[14-a de aprilo]] [[1973]]).
===Biografio===
EbEn [[Budapeŝto]] doktoriĝis (1919) kaj akiris atestilon de instruisto pri latina-greka lingvoj. Unue instruis en mezlernejo, de [[1934]] en Universitato [[Pécs]] klasik-filologion kaj antikvan historion. En 1941–43 profesoris en [[Szeged]], sekve en Budapeŝto. Redaktis la revuon ''[[Sziget]]'' kaj libroserion ''Kétnyelvű klasszikusok'' (Dulingvaj klasikuloj), inter [[1924]]–[[1934]] ''Egyetemes Philologiai Közlöny'', pli malfrue la seriojn ''Műhely'' kaj ''Pannónia Könyvtár''. En [[1929]] en [[Grekujo]] renkontiĝis kun W. F. Otto, kies religihistoria verkaro influis lin grave; la fino de la tridekaj jaroj fariĝis internacie konata kiel religihistoriisto. En [[1943]] enmigris [[Svislando]]n. En sia decido havis rolon la kunagado kun [[Carl Gustav Jung]]. Ili kune verkis ''Einführung in das Wesen der Mythologie'' (Zürich, 1942) kaj fondis la Insnstituton C. G. Jung, kie li ofte prelegis. En vintra semestro de 1955–56-a studjaro gastprofesoris en [[Bonn]], en [[1960]] en [[Oslo]], [[Romo]], en [[1961]] [[Zürich]], en [[1964]] [[Genova]]. Li estis ano de la scienca komitato de ''Rowohlt Deutsche Enzyklopädie''. Lian verkon ''Greka mitologio'' oni tradukis en 10 lingvojn.
