Post gixa fondiĝo en la jaro [[1185]] la abatejo estis [[Habsburgo|habsburga]] protektaĵo. Ĝi iom post iom akiris la bienojn, kiuj formas la hodiaŭan [[Affoltern (distrikto)|distrikton Affoltern]] kaj ĉirkaŭ ĝi estiĝis la vilaĝo [[Kappel]]. En la jaro [[1415]] la abatejo submetis sin al la kamparsuvereneco kaj protekto de la urbo [[Zuriko]]. Komence de la 16-a jarcento la abatejo vokis la adepton kaj postsekvanton de [[ZvingoZvinglo]], [[Heinrich Bullinger]] kiel juna instruisto al [[Kappel]]. Li konvinkis la monaĥojn de la abatejo pri la [[reformacio]]. La 29-an de marto [[1525]] oni celebris la [[Komunio|komunion]] unuan fojon laŭ la reformita rito. En la jaro [[1529]] okaze de la unua [[1-a milito de Kappel|1-a batalo de Kappel]] Bullinger povis haltigi dank al sia perado la internan militon de la [[Svisa Ĵurkomunumo]] kaj inter la katolikaj kaj protestantaj trupoj estis dividita la fama [[Laktosupo de Kappel]]. Dum la [[2-a milito de Kappel|2-a batalo de Kappel]] sur la batalkampo [[Zvinglo]] perdis sian vivon. Hodiaŭ en la salonoj de la iama abatejo kaj monaĥejo troviĝas evangelia renktontiĝejo kaj kongrescentro kun la nomo ''Haus der Stille'' [Domo de l'silento].
