Karakumo

Karakumo (Kara-Kumo, en turkmena Garagum, uzbeka Qoraqum, laŭvorte Nigra sablo) estas dezerto en Centrazio. Kune kun la najbara Kizilkumo (Ruĝa sablo) ĝi okupas la plej grandan parton de la mallevejo de Turan.

Karakumo en centra Azio (flave markita: la Silka Vojo)

Karakumo situas okcidente de rivero Amudarja kaj krom la norda rando (uzbekia) apartenas al Turkmenio. Ĝi okupas areon de 400.000 km². La regiono estas ekstreme arida. En la sudo trapasas ĝin la Karakum-kanalo, 1445 km longa, kiu estis ekkonstruita en 1950 por irigacii la landon.

Naturaj resursoj

En Karakumo troviĝas gravaj provizoj de nafto kaj tergaso.