La '''Dekana Preĝejo de Sankta Maria Magdalena''' en [[Karlovy Vary]] estas unu el la plej valoraj kaj elstaraj memorindaĵoj de kulmina baroko en [[Bohemio]].
Ĝi estis konstruita laŭ projekto de elstara praga arkitekto [[Kilian IgnacIgnaz DiezenhoferDientzenhofer]].(Origine sur tiu ĉi loko staris gotika preĝejeto el la jaro [[1485]], kiu forbrulis dum brulkatastrofo en la jaro [[1604]]). Iniciatinto de la nova grandioza preĝejo estis imperiestro [[Karolo la 6-a]], kiu vizitis la urbon Karlovy Vary en la jaro [[1721]] kaj donacis mil dukatojn por la nova preĝejo al grandmajstro de la ordeno de Kruckavaliroj "kun ruĝa stelo", kiu poste konstruadon organizis. '''La unuan bazan ŝtonon''' oni metis en la jaro [[1732]] kaj jam en la jaro [[1736]] (t.e. post kvar jaroj) la preĝejo estis finkonstruita. Sed internan ekipaĵon oni kompletigis ankoraŭ dum la unua duono de la 18-a jarcento. La navo havas formon de elipso - la fronto direktas al Foirejo (''tržiště''). Paro de turoj kun bulbaj kaskoj estas tre efika. La turoj estas simetrie lokitaj kaj inter ili estas geometrie farite stuka ornam-aĵo kun karakterizaj signoj de baroka stilo. (En la keloj estas videblaj dikaj tavoloj de termofonta ŝtono aragonito)
