Skotgaela literaturo: Malsamoj inter versioj

Du ege valoraj kompilaĵoj de tradicia gaela materialo estis eldonitaj je la fino de la 19ª jarcento kaj la komenco de la 20ª. Temas pri kvarvoluma dulingva verko, ''Popularaj rakontoj de la okcidenta altaĵo'' (unua eldono: 1890), de la kolektanto J.F. Campbell (gaele: Caimbeul); kaj ''Carmina Gadelica'', sesvoluma dulingva kolekto da preĝoj, versaĵoj, diraĵoj, sorĉkantoj kaj tradicioj – verko de sublima beleco, kompilita de Alexander Carmichael, kaj plie redaktita kaj eldonita de liaj familianoj post lia morto. La tuta procedo de eldonado daŭris 40 jarojn. Alia grava kolekto estas la 470-paĝa verko ''Gaelaj proverboj'' (1881), kompilita de Alexander Nicolson, kaj represita de Malcolm MacInnes en 1951.

 

 

Nur tre malfrue aperis romanoj en la skotgaela. La unua romano, en la moderna senco de la vorto, estis ''Dùn-aluinn'' de Iain MacCormaic (1912). De tiam ĝis nun la kvanto da romanoj daŭre pliiĝis kaj la kvalito pliperfektiĝis. Lastatempaj eldonaĵoj estas kvalite komparebla kun romanoj en aliaj pli disvastigitaj lingvoj.