Literatura Mondo: Malsamoj inter versioj

4 bitokojn aldonis ,  antaŭ 12 jaroj
===Eldonejo===
 
En la dua periodo Literatura Mondo estas ankaŭ la plej aktiva [[Esperanto-eldonejo]]. La celo de la eldonejo estas helpi la eldonon de la unuaj verkoj de novaj verkistoj kaj tiurimede kreskigi la originalan literaturon samtempe donante signifan kvanton da [[tradukita literaturo]]. Dum la kvar jaroj de ĝia ekzistado ĝi aperigis 43 diversgrandajn verkojn kun paĝonombro 7600 kaj vendoprezo de 185 [[svisa franko|svisaj frankoj]]. En [[1933]] ĝi fondis la [[AELA|Asocion de Esperantistaj Libro-Amikoj]]. Inter la verkoj donitaj de LM ni trovas ĉiujn verkojn de [[Kálmán Kalocsay|Kalocsay]], la originalajn verkojn de [[Stellan Engholm|Engholm]], la unuajn originalajn verkojn en libroformo de [[Lajos Tárkony|Totsche]], [[Johan Weinhengst|Weinhengst]], [[Eŭgeno Aisberg|Aisberg]], [[Hendrik Adamson]], la unuan arthistorion en nia lingvo, kaj [[Enciklopedio de Esperanto]]. La programo por 1935 antaŭvidis 15 verkojn en proks. 5000 paĝoj. La eldonaĵoj de la firmo elstaras ankaŭ pro ilia plaĉa ekstero kaj nepre altnivela enhavo, senriproĉa stilo. Laŭ aserto de kelkaj kritikistoj la eldonejo vartas la [[neologismo|neologismajn]] verkistojn.
Por la redaktantoj de la Enciklpedio, tian aserton senbazigis la fakto, ke krom en la verkoj de Baghy, Kalocsay kaj Totsche inter la aliaj verkistoj oni apenaŭ povas trovi iujn, kiuj uzas neologismojn. La eldonejon gvidas de la fondo V. Bleier kaj de tiu tempo laboris por ĝi la [[Pestvidéki Nyomda Vác]] (presejo apud [[Budapest]] en [[Vác]].) Pri la aktiveco kaj laboro de la entrepreno informas ĝia katalogo senpaga, eldonita en [[1934]]. Kiel estis menciite, granda parto de la literatura revuo, Literatura Mondo, kaj pluraj ĝiaj ceteraj valoraj eldonaĵoj estis presitaj en urbo Vác.
 
201 405

redaktoj