Dušan Adnadj: Malsamoj inter versioj

'''Dušan ADNADJ'''. Kroatia esperantisto. Naskiĝis la 1-an de marto 1941 en [[Borovo]]. Elementan lernejon finis en Borovo, ekonomikan mezlernejon en Vukovar. Studis ekonomikon ĉe Ekonomika fakultato en Subotica. Laboris en Nacia banko de Jugoslavio (filio Vukovar), poste kiel direktoro de Kino-uzino kaj laste kiel sekretario de elementa lernejo en Borovo. Esperanton kaj la germanan lernis ĉe instruistino Ida Kadelburg, esperantistino en Vukovar. Ekzamenojn faris en 1963 (bazan) en Esperanto-societo "Fratoj Ribar" en Borovo, kaj en 1974 (daŭrigan) en Esperanto-kampadejo Primošten. En 1963 fondis Esperanto-societon en Vukovar, ekde 1963 membro de Esperanto-societo "Fratoj Ribar" en Borovo Naselje (parto de Vukovar). En 1973 tiu societo registriĝis kun la sidejo en Borovo (proksime de Vukovar). Iniciatinto kaj fondinto (kun Ivan Flanjak de Slavonia kunordiga komitato, kiu funkciis dum pluraj jaroj. Iniciatinto kaj fondinto (1984) de Internacia Asocio de Handikapitaj Esperantistoj (IAHE). En 1973 inicatis kaj dum plenaj dek jaroj redaktis Esperanto-revuon "Voĉo". De 1984 ĝis 1987 eldoninto kaj redaktoro de la gazeto "Voĉo de handikapuloj". Fondis "Voĉo-Libroservon" kiu funkciis dum unu jardeko. Organizinto de la Unua renkontiĝo de slavoniaj, baraniaj kaj sremaj esperantistoj. Kompilis kaj eldonis en 1975 la unuan adresaron de jugoslaviaj esperantistoj, kaj la duan kune kun Josip Pleadin en 1987. Sub eldonmarko de "Voĉo" eldonis la verkon de Marinko Gjivoje "Leksikono de aktivaj jugoslaviaj esprantistoj" (en 1985). Membro de Universala Esperanto-Asocio ekde 1965 kaj de Sennacieca Asocio Tutmonda ekde 1964. Partoprenis plurajn UK-ojn. Post 1989 ne plu aktivas en la Esperanto-movado.▼