Dissendolisto: Malsamoj inter versioj

Dissendo-listo estas listo de personoj kiuj komunikas per [[retpoŝto]] dank'al komuna [[retadreso]]: la adreso de la dissendo-listo. Ĉiu membro de la listo povas sendi mesaĝon al tiu adreso kaj ĉiu alia membro ricevas la mesaĝon kaj povas reagi same sendante sian komenton al ĉiuj aliaj.

 

Laŭ la funkciado de la listo, estas almenaŭ du malsamaj tipoj de dissendo-listoj. La plej multaj estas ''diskut-listoj'' kiuj ebligas al ĉiuj diskuti unuj kun la aliaj. Aliaj listoj nur utilas kiel ''inform-listo'' aŭ ''bulten-listo'' ĉar nur la kreinto de la listo povas sendi mesaĝon al la ricevantoj.

 

Dissendolisto estas unu el la plej sukcesaj novaj komunikiloj alportitaj de [[Interreto]]. Ili efektive uzas la plej uzatan servon de Interreto, la retpoŝto, por ebligi al [[asocioj]] kaj diversaj grupoj komuniki plej facile. Dank'al ilia uzo eblas nun tre facile informi kaj organizi agadojn inter diversaj uzantoj de Interreto.

 

Pro tio, ekzistas nun multege de diversaj dissendo-listoj pri diversaj temoj kaj en diversaj [[lingvo|lingvoj]]. Ekzemple en [[Esperanto]] ekzistas jam kelkaj centoj de dissendolistoj de pli ol 40 diversaj naciecoj kaj pri diversaj temoj, kiaj [[kulturo|kulturaj]], [[scienco|sciencaj]], [[politiko|politikaj]], [[religio|religiaj]], ktp.

 

Ekzistas diversaj provizantoj de [[servilo|serviloj]] kiuj ebligas krei kaj uzi dissendoliston sed unu el tiuj [[Yahoogroups]], posedata de [[Yahoo]] estas tre forte prezenta internacie kaj multlingve kaj pro tio estas la plej uzata en multaj lingvoj inter alie en Esperanto.

 

'''Ekstera ligo:'''<br>

Listo de 200 Dissendo-listoj en Esperanto kaj instruktoj pri ilia uzo:<br>

http://purl.org/net/dissendo <br>

Yahoogroups en [[angla lingvo|la angla]]:<br>

''(aldonu landan [[ISO]]-kodon je la komenco por havigi aliajn lingvojn)''<br>

http://groups.yahoo.com/