Ulrich Becker: Malsamoj inter versioj

▲Ulrich Becker naskiĝis en 1958 en Saksujo. Li vivis inter 1979 kaj 1999 en Berlin. Li studis en Humboldt-Universitato en Berlin i. a. lingvo- kaj literaturosciencojn kaj poste laboris kiel lingvoinstruisto en gimnazio.

▲Ulrich Becker eklernis Esperanton en 1976, kaj komence de la 80-aj jaroj aliĝis al la eta junulara Esperantogrupo en orienta Berlino.

▲Li partoprenis kaj gajnis kelkajn traduko-konkursojn organizitajn de „der esperantist“, la E-revueto de la orientgermana Esperanto-Asocio en Kulturligo de GDR, meze de la 80-aj jaroj. En 1988 li estis dungita de la centra oficejo de la Esperanto-Asocio de GDR kaj laboris plentempe por la Esperanto-movado en GDR ĝis 1990, la jaro de la unuiĝo de la du germana ŝtatoj kaj la dissolvo de [[GDREA]].

▲Dum tiu ĉi tempo li instruis Esperanton, organizis [[Koresponda Kurso de GDREA|korespondan Esperanto-kurson]], verkis novan, pli modernan studmaterialon por memlernado aŭ koresponda kurso, kaj helpis organizi diversajn naciajn kaj lokajn eventojn.

▲De 1991 ĝis 1993 li estis estrarano de [[Germana Esperanto-Asocio]], kaj krome redaktis la Esperantan version de „[[Esperanto aktuell]]“, centra revuo de Germana Esperanto-Asocio.

▲Komence de la 90-aj jaroj li fondis kun [[Mark Fettes]] kaj [[Märtha Andreasson]] la internacian esperantistan por-Unesko-asocion „[[Monda Kunagado]]“, kiu eldonis dum kelkaj jaroj la revuon „Monda Forumo“. Becker instigis diskutojn kaj projektojn, kunverkis kaj eldonis la kolekton de intervjuoj kun esperantistoj „Vivprotokoloj“.

▲Li estis kunfondinta membro kaj estrarano en Gesellschaft für Interlinguistik e.V. (GIL - Asocio por Interlingvistiko), kaj i. a. helpis redakti por ĝi dum pluraj jaroj la ĉiujaran „Beiheft“ (40- ĝis 120-paĝa kajero kun la sciencaj materialoj de la kolokvoj de [[GIL]]).

▲Li verkis libron kun rakontoj (La Aĵoj kaj la Sezonoj), eldonitan en Vieno ([[Pro Esperanto]]) en 1996.

▲Same en 1996 li kunfondis la eldonejon [[Mondial]], en kiu li redaktis kaj eldonis i. a. la majstran tradukon fare de [[Karl Schulze]] de ambaŭ partoj de la dramo Faŭsto de [[Johann Wolfgang Goethe]].

▲En 1998/99 li estis membro de la Loka Kongresa Komitato de la [[UK 1999|Berlina Universala Kongreso]] de Esperanto, dum kiu li respondecis pri ĉiuj kulturaj kaj artaj aranĝoj, kaj krome helpis prizorgi la Interretan prezentadon de la Kongreso.

▲En 1999 li transloĝiĝis al Novjorko, kie li studis publicadon en Pace-Universitato. De 2000 ĝis 2002 li estis unu el la reprezentantoj de Universala Esperanto-Asocio (UEA) ĉe la Unuiĝintaj Nacioj (UN).