Taŭro (konstelacio): Malsamoj inter versioj

'''Taŭro''' ([[latine]] ''Taurus'', [[virbovo]]) estas [[konstelacio]] de la [[Tero|tera]] [[ĉielo]] de la [[zodiako]].

 

[[Aldebarano]] estas la alfa stelo de la konstelacio, en la [[okulo]] de la Taŭro.

 

 

*La [[Plejadoj (mitologio)|Plejadoj]] estas, laŭ la [[helena mitologio]], la sep fratinoj kaj ties gepatroj [[Atlaso]] kaj [[Plejona]]. Ili estas videblaj nudokule.

*La [[Hiadoj]] desegnas la literon V en la kapo de la Taŭro

 

[[Dosiero:Crab Nebula.jpg|left|180px|thumb|Kraba Nebulozo]]

 

La [[Kraba nebulozo]] M1 estas [[supernovao|supernovarestaĵo]], la rezulto de preskaŭ mil jaroj de [[ekspansio]] de la supernovao de la jaro [[1054]]. La plej masohavaj steloj ne finas siajn vivojn kiel [[blanka nano]]j sed kiel [[supernovao]]j. Post supernovaeksplodo restas nebulozo, nomata supernovarestaĵo.

Tiu nebulozo estas videbla per [[teleskopo]].

 

[[Dosiero:Europa.jpg|left|180px|thumb|Eŭropo sur la dorso de la Taŭro]]

Laŭ la [[helena mitologio]] [[Agenoro]] havis tre belan filinon, kiu nomiĝis [[Eŭropo (mitologio)|Eŭropo]]. Dum ŝi ludis ĉe la marbordo kun amikinoj, granda [[taŭro]] venis al ŝi. Ĝia felo estis blanka, ĝiaj lunarkaj kornoj estis oraj. Sed precipe, ĝi havis tre mildan rigardon. Ŝi donis al ĝi florkolieron kaj grimpis sur ĝian dorson. Tuj li naĝis kun ŝi ĝis la insulo [[Kreto]]. Tiu taŭro estis fakte [[Zeŭso]]. Alveninte, li reprenis sian formon kaj amoris kun ŝi.

Nuntempe la [[Taŭro]] ŝajnas ankoraŭ naĝi en la nokta ĉielo kiel [[konstelacio]], inter la [[Ŝafo (konstelacio)|Ŝafo]] kaj la [[Ĝemeloj (konstelacio)|Ĝemeloj]].

 

[[Dosiero:Taurus.png|Zodiaka signo de Taŭro|thumb|left|60px]]

Laŭ la astrologiistoj naskituloj de ĉiu zodiaka signo havas karakteron propran je tiu signo. Jen laŭ ili la personeco de la '''« Virbovuloj »'''

 

*'''virinoj''' :

*'''viroj''':

Li estas ĝenerale larĝekonstruita, kun aĝo formiĝas ventro iom elstaranta; la vizaĝo havas rondajn liniojn, rondan nazon, plenkarnajn frandemajn lipojn, okulon borderitan de longaj okulharoj; ankaŭ la manoj estas dikaj kaj karnaj, la kolo larĝa. Li estas el tero kaj sensa, li bezonas tuŝi, palpi; la voĉo estas kolora, muzika. Sentiĝas en li spuron de maldelikateco.

 

Tamen, se li eskapas el troa sangopremo, li povas iĝi vigla kaj solida maljunulo; la amo al vivo, kvieto, memcerteco ekvilibras lin, kaj al li taŭgas respekti la ritmojn de la naturo kaj vivi en la kamparo, kiu pli bone resanigas lin ol ĉiaj artaj [[kuracilo]]j.

 

Li ŝatas belon, amas plezurojn, kaj «fakule» aprezas ilin; li ĉerpas el simplaj aferoj profundajn ĝojojn, kaj li scias eventuale kontentiĝi pri esencaĵoj, lasante superfluon. Estado feliĉigas lin, kaj li ne starigas al si metafizikajn demandojn.

 

Kvankam li aspektas varmkora, li estas fakte sufiĉe sekretema, li ne fidas al la novrenkontito, li atendas de aliuloj, ke ili estu elplruvitaj. Li pripensas decidojn, sed elektinte li neniam retropaŝas; persistemo, malcedemo estas samtempe al li forto kaj malforto. Li tamen havas solidan intelekton kaj kapablon al solidaj sintezoj; neniam li soras en nuboj, li restas surgrunde konkreta, prudenta, singarda.

Mono estas grava, kaj la bezono pri sekureco.

 

Por negocoj plej ofte. Li havas virtojn kiel organizokapablo, praktika [[sagaco]], realosento, kaj ne lasas sin facile emocii pro la problemoj de aliuloj. Li defendas la proprajn interesojn kaj estas fojfoje riproĉita, ke en li malĉeestas malavaro.

Li ankaŭ estas lerta pri libertempaj manlaboroj, li interesiĝas pri [[arkitekturo]] aŭ urboscienco. Pro lia logo al la tero li taŭgas al terkultivado aŭ esploro pri sterkoj.

 

La virbovulo, amante la vivon, amas ankaŭ amon, kaj amoron. Tiu ĝuema malestimas «fuŝulojn», kiuj ne diligente klopodas por doni al virino ĉiom da plezuro, kiun ŝi atendas. Li ludas ŝin kiel oni ludus violonĉelon; kun fervoro efikeco, dankemo.

 

Li estas kunvivofacila, babilriĉa kuntablano, gajigulo, parolema en liaj plenfeliĉaj momentoj, kiam li estas ĉetable, kiam bonas kunularo kaj vino bone fluas. Sed kiam li estas malbonhumora, aŭ paŭtas, pli bone ne provu aliri lin, atendu, kaj faru la unuan paŝon, kiam li komencos malstreĉiĝi.

 

[[Dosiero:Taurus by Johannes Hevelius.JPG|Mapo de la konstelacio de [[Johannes Hevelius]]|thumb|250px]]

 

{{referencoj}}

 

{{Commons|Taurus}}

{{Zodiako}}

 

[[Kategorio:Taŭro (konstelacio)| ]]