Colemak

Colemak estas klavarofasono lanĉita je la 1-an de januaro, 2006 de Shai Coleman. Ĝi estas la tria plej populara klavarafasono inter anglalingvanoj post Qwerty kaj dvorak. Ĝi optimigas por la angla lingvo laŭ la jenaj kriterioj:

• facile lernebla por qwerty-tajpistoj
• plej uzataj anglaj literoj ĉe la hejma vico
• distribuas saman kvanton da laboro al ambaŭ manoj
• facile tranĉi kaj glui ĉar literoj X, C kaj V restas en la sama pozicio kiel qwerty

Klavarfasono de Colemak

Avantaĝoj

• Komforta: fingroj per Qwerty moviĝas 2,2-oble pli ol per Colemak. Qwerty havas 16-oble pli da vicsaltado per la sama mano ol Colemak. Cetere, estas 35-oble pli da vortoj kiujn oni povas tajpi ĉe la hejma vico ĉe Colemak.
• Facile lernebla: Ebligas facilan adaptiĝon el Qwerty. Nur 2 klavoj ŝanĝiĝas al la alia mano. Kelkaj kutimaj klavkombinoj (inkluzivante Ctrl+Z/X/C/V) restas same. Lecionoj por tajpi ekzistas.
• Rapida: La plej fortaj kaj rapidaj fingroj plej multe tajpas. Malofte la sama fingro tajpas du klavojn sinsekve.
• Multlingva: Permesas tajpi en pli ol 40 lingvoj kaj diversaj simboloj, kiel ekzemple "pâté", "mañana" kaj €.
• Libera kaj senpaga: Libera programaro sub permesilo de Creative Commons. Oni ne devas aĉeti novan klavaron, simple instali programon.

Eksteraj ligiloj

• Oficiala retejo de Colemak
• Retejo por lerni tajpi Colemak-n