En la jaro [[-25|25 antaŭ Kristo]] la [[Romio|romianoj]] konkeris Valezon kaj atribuis ĝin al la [[Raetia|Provinco Raetio]]. En la [[5-a jarcento]] la [[Burgonjo|burgonjanoj]] konkeris la suban hodiaŭan franclingvan parton de Valezo, kiu fariĝis tiam parto de [[Burgonjo]] kaj poste de [[Savojo]], dum en la supra parto de Valezoj setlis la alemana tribo de la [[Valzoj]], kiuj almigris tra [[SustenGrimsel-Pasejo]] el la regiono de la hodiaŭa [[Berna Oberlando]]. Provoj de la [[Berno|bernanoj]] en la 13-a ja 15-a jarcento konkeri Valezon malsukcesis; dum la du bataloj de [[Ulrichen]] en la jaroj [[1211]] kaj [[1419]] la valezanoj defendis sukcese sian sendependecon. En la 15-a jarcentoj la alemanaj distriktoj de la Supra Valezo konkeris la 6 savojajn distriktojn de la Suba Valezo kaj subemtis ilin ĝis la konkero fare de [[Napoleono la 1-a]] al sia administracio. En la jaro [[1802]] Napoleono deklaris la teritorion de Valezo sendependa respubliko. Tiu respubliko en la jaro [[1810]] kiel [[Departemento Sempiono]] estis integrita al [[Francio]]. En la jaro [[1815]] Valezo surbaze de verdikto de la [[Viena Kongreso]] aliĝis kiel plenrajta kantono al [[Svislando]].
