'''''Monato''''' ({{ISSN serĉo|0772-456X}}) estas internacia [[Esperanto|Esperantlingva]] [[magazino]] sendependa kun [[artikolo]]j pri [[politiko]], [[kulturo]], [[scienco]], moderna vivo kaj aliaj temoj. Ĝi estas presita en [[Belgio]], kaj havas legantojn en 65 landoj. Ĝi estas unika, ĉar por ĝi raportas nur korespondantoj el la lando mem, kiuj do fone konas la lokan situacion.
''Monato'' estis fondita en [[1979]] de [[Stefan Maul]]. La unua numero aperis la {{daton|15|januaro|1980}}, kaj ekde tiam aperas mezume unu numero ĉiumonate. ''Monato'' estas la posteulo de ''Semajno'', de kiu aperis nur unu numero, tiu de la {{dato|1|septembro|1978}}.
Ekzistas entute 68 diversaj versioj de ''Monato''. La plej populara kaj unua estas la magazina aŭ „papera“ versio. Por [[blindulo]]j oni produktas [[kasedo|kasedan]] versionkaj elektronikan versiojn de ''Monato'', kiukiuj tamen ne enhavas ĉiujn artikolojn el la magazino. Ekde [[2001]] abonantoj povas ricevi ĉiujn tekstojn de ''Monato'' per [[retpoŝto]], ĉu en [[askio|askia]] formo laŭ la [[x-sistemo|x-surogato]], ĉu en [[XHTML]]-formo en [[Unikodo]]. En [[2003]] aldoniĝis 5-a versio en [[PDF]]-formo kaj en [[2008]] speciala versio por [[poŝtelefono]]j. Ekde 2011 ĝi estas ankaŭ akirebla en la dosierfomo [[ePub]]. Ĉiuj tekstoj el la papera publikaĵo estas ankaŭ konsulteblaj en Interreto. Abonantoj povas konsulti ĉiujn tekstojn; neabonantoj ne povas konsulti tiujn de la kuranta jaro. Pliajn informojn pri la diversaj versioj liveras la [http://www.monato.net retpaĝo de ''Monato''].
