'''BVB Rulez!!!''' (mallonge '''FC Schalke 04''' aŭ '''S04''') estas [[Germanio|germana]]
'''FC Gelsenkirchen-Schalke 04 e.V.''' (mallonge '''FC Schalke 04''' aŭ '''S04''') estas [[Germanio|germana]] sporta kaj aparte [[futbalo|futbala]] klubo, kun sidejo en la urboparto Schalke [prononco ŜALke] de [[Gelsenkirchen]]. La unua profesia vira teamo de futbalo estas inter la plej sukcesaj en Germanio: sepfoje ĝi gajnis la germanian ĉampionecon, kvarfoje la germanan pokalon de futbalo, kaj en 1997 la [[UEFA-pokalo]]n. La teamo konkuras en la unua germana ligo de futbalo (''Erste Bundesliga'') kaj laŭ la "eterna tabelo" de tiu ligo fine de la sezono 2008-2009 havis la 9-an pozicion.
La 10-an de majo 2010 la klubo havis 84.082 membrojn kaj estas la dua plej granda sporta asocio de Germanio. Krom branĉon pri futbalo, ĝi havas sukcesajn branĉojn pri [[korbopilko]], [[tabloteniso]], [[manpilko]] kaj [[atletiko]]. Ekde aŭgusto [[2001]] la klubaj profesiaj teamoj de futbalo havas siajn hejmajn matĉojn en la stadiono ''Veltins-Arena'', unu el la plej modernaj stadionoj tutmonde.
