Virina Futbala Mondpokalo: Malsamoj inter versioj

Por rajti je partopreno de la ĉampioneco, la naciaj teamoj devas sukcesi en kvalifikiga kontinenta turniro. Dum en la plej multaj kontinentaj konfederacioj de la tutmonda asocio FIFA, la koresponda kontinenta ĉampioneco samtempe estas la kvalifikigo por la monda ĉampioneco, la eŭropa federacio [[UEFA]] ekde la jaro 1999 organizas apartan kvalifikigan turniron (en la monda ĉampioneco de 1991 kaj 1995 la koresponda eŭropa ĉampioneco ankoraŭ estis la kvalifikiga turniro). La nacia teamo de la gastiganta lando aŭtomate kvalifikiĝas je partopreno de la ĉampioneco pri la monda pokalo. La unuopaj kontinentaj konfederacioj laŭ la antaŭa sukceso de siaj teamoj havas malsaman nombron de partoprenorajtaj teamoj: [[Eŭropo]] laŭ la stato de la jaro 2011 havas kvin partoprenantajn naciajn teamojn, kaj [[Nordameriko]] ([[CONCACAF]]) respektive [[Azio]] ([[AFC]]) havas po 2,5 teamojn - la triarangaj teamoj de la nordamerika kaj de la azia kontinentaj ĉampionecoj matĉe komparas siajn fortojn kaj la gajnanto de la du matĉoj inter tiuj du teamoj (unu matĉo en Nordameriko, la alia en Azio) ricevas la kvinan ĉampionecan partoprenolokon de la du kontinentoj kune. [[Sudameriko]] ([[CONMEBOL]]) kaj [[Afriko]] ([[CAF]]) havas po du partoprenolokojn, kaj [[Oceanio]] ([[OFC]]) unu.