'''Mordechai VANUNU''' [mordeĥaj vananu] (naskiĝis la [[13-a de oktobro|13-an de oktobro]] [[1954]] en [[Marakeŝo]]) estas israela filozofo, fizikisto, politika aktivisto, kiu malkaŝis la nukle-armilan programon de [[Israelo]] dum [[1986]]. Li estis kaptita de [[Mosado]], kaj ekde tiam li estadas kaptito de Israelo.
Vananu estas filo de juda-[[Maroko|maroko-amaroka]] [[enmigrinto]]. Li laboris inter [[1976]] kaj [[1985]] kiel teknikisto en [[Israelo]], en la sekreta nuklea esplorejo [[Dimona]]. En [[1985]] li estis maldungita, poste li ekinformiĝis pri la [[atombombo]]j de Israelo. Antaŭ la publikigo de la Vananu-a artikolo en la [[Londono|londona]] ĵurnalo [[Sunday Times]] li estis la 30-an de septembro [[1986]] far [[Mossad]] al [[Romo]] logita (ina agento konjekteble de Mossad, sed laŭ tujpostliberiga deklaro de Vanunu temis pri [[CIA]]-agento, Cheryl Bentov, kromnome "Cindy", falsasertante esti usona turisto, tentis lin aviadi kun ŝi por ferii en Romo) kaj de tie al [[Israelo]] forrabita. La juĝenketo pro homforrabo estis baldaŭe fermita de la italaj aŭtoritatoj; la israela registaro neis dum 6 semajnoj, ke ili scias ion pri loko de Vananu, sed tiam Vananu sukcesis doni vivsignon al ĵurnalistoj, per vortoj markitaj sur manplato ŝtelmontrita al la gazetfotistoj.
Li estis pro [[landoperfido]] kaj [[spionado]] kondamnita je 18-jara [[prizono]], el kio li pasigis 11 jarojn en [[solĉelo]].
