Malfermi la ĉefan menuon

Ŝanĝoj

24 bitokojn aldonis ,  antaŭ 7 jaroj
sen resumo de redaktoj
La '''Karaa Maro''' ([[Rusa lingvo|ruse]]: <font lang="ru">Ка́рское мо́ре</font>) estas randa maro de la [[Arkta Oceano]], kiu situas norde de la kontinenta parto de [[Rusio]] kaj geografie konsideriĝas parto de la limo inter [[Eŭropo]] kaj [[Azio]].
 
La maro okcidente limiĝas pere de la arkoforma duobla insulo [[Nova Zemlo]], kiu konsistas el la kvara kaj la sesa plej grandaj insuloj de Eŭropo. Oriente la insularo [[Norda Lando|Norda Zemlo]] kaj la [[Tajmira Duoninsulo]] limigas ĝin. Sude la maro inter alie tuŝas la [[Jamala Duoninsulo|Jamalan Duoninsulon]] kaj pli sude la [[Okcident-Siberia Malaltebenaĵo|Okcident-Siberian Malaltebenaĵon]], kaj la [[Gidana Duoninsulo|Gidanan Duoninsulon]] kaj pli oriente la [[Nord-Siberia Malaltebenaĵo|Nord-Siberian Malaltebenaĵon]].
 
La Karaa Maro etendiĝas inter proksimume la 70-a kaj la 80-a norda [[latitudo|latituda grado]] kaj la 55-a ĝis 105-a orienta [[longitudo|longituda grado]]. La maro averaĝe profundas 118 metrojn kaj do estas relative malprofunda, la plej profunda punkto, iom nordoriente de la norda insulo de [[Norda Lando|Nova Zemlo]], situas 620 metrojn sub la [[marnivelo]].
 
Tiu maro estas difinita kiel mara [[ekoregiono]] laŭ la [[Monda Natur-Fonduso]] ( WWF ) kaj la [[organizo]] ''The Nature Conservancy'', kaj tiele [[Biogeografio|biogeografie]] apartenas al Arkta Regno, unu el la 13 Maraj Regnoj.