Hinda ansero: Malsamoj inter versioj

La '''Hinda ansero''' aŭ '''Strikapa ansero''' (''Anser indicus'') estas [[anseroformaj|anseroforma]] [[birdo]] de la familio de [[Anasedoj]], kiu reproduktiĝas en meza [[Azio]] en kolonioj de miloj da individuoj kaj migras trans montaro [[Himalajo]] al [[Barato]] dum vintro. [[Ornitologio|ornitologo]]j kredas, ke ĝi flugas la plej alte, kaj birdoj de ĉi tiu specio estis vidataj flugantaj ĉe pli ol 9.000 metroj alte. La ino tipe demetas 3-8 ovojn en nesto apude de monta lago.

Ĝi grandas ĉ. 75 cm, la bazkoloro estas helgriza, karakterizas ĝin du nigraj strioj surege rimarkindaj ĉe blanka kapo, nome unu el la malantaŭokulo supren kaj la alia preskaŭ paralela el la fino de la orelareo al la supra nuko. Tiuj strioj mankas ĉe la junbirdoj. La kolo estas antaŭe kaj ĉefe malantaŭe malhela el nigra al malhelbruna, inter tiuj malhelaj markoj duflanke formas la resta plumaro blankan longan strion. La kapo estas blanka, la beko flava kun nigra pinto, la kruro ruĝeta al oranĝflava.