Ekvilibro

Ekvilibro laŭ esperantlingvaj vortaroj kiel PIV aŭ Reta Vortaro en lingvaĵoj de fiziko, ekonomiko kaj sociologio estas

1. egalpezo, do stato de korpo, kiu, altirata de egalaj sed kontraŭaj fortoj, restas senmova,
2. stato de fortoj, kiuj sin reciproke nuligas: elektro en ekvilibro sur la supraĵo de korpo, kaj
3. (figure) bonorda egaleco de potenco aŭ de valoro inter kontraŭaj aferoj.

Ekvilibristo nomatas cirka artisto, speciale lerta por konservi la ekvilibron en gimnastikaj ludoj - ekzemple ĵonglisto aŭ ŝnurdancisto.

Citaĵoj

	„ Mi tiris la hundon kaj samtempe mi devis ekvilibri pro la potoj en la dekstra mano. ”

	„ Fine la glaciejo submetiĝas, kaj la akvo torente eniras la fendojn por ekvilibrigi la nivelon . ”

	„ La ekvilibro inter fajna aromo kaj subtila amareco donas al tiu ĉi biero unikan lokon en la riĉa belga biertradicio. ”

	„ Nur per drastaj ŝparoj en la konsumo oni povos ekvilibrigi postuladon kaj proponadon. ”

	„ La atakoj en Usono de la 11-a de septembro 2001 malekvilibrigis la tutan mondan ekonomian sistemon. ”

Vidu ankaŭ

• balanco
• balancilo