Ursula Felhölter: Malsamoj inter versioj

'''Ursula FELHÖLTER''' estas germana instruistino kaj esperantistino. Post kiam ŝi plurajn jarojn gvidis la komisionon pri renkontiĝoj de [[Germana Esperanto-Junularo]] (GEJ), de [[1982]] ĝis [[1984]] ŝi estis la prezidantino de tiu asocio, kaj en [[1985]] gvide kunorganizis la [[41-a IJK|41-an Internacian Junularan Kongreson de TEJO]] en Germanio. Tiam estante juna gimnazia instruistino, ekde la jaro 1980 ŝi en la knabina gimnazio ''Ursulaschule'' en [[Osnabrück]] regule okazigis lernejajn Esperanto-kursojn, el kiuj rezultis pluraj aktivaj kunlaborantinoj de GEJ - inter alie [[Dagmar Schütte]], kiu pli poste sekvis sian instruistinon en la posteno de GEJ-prezidanto. Daŭre Ursula Felhölter loĝas en [[Osnabrück]], sed intertempe estas vicdirektorino de la gimnazio de [[Bad Essen]], 30 kilometrojn pli nordoriente.

 

* [http://www.noz.de/lokales/27815052/viele-reformen-gemeinsam-durchgestanden artikolo pri ŝia gvido de la abituriga celebraĵo de la gimnazio Bad Essen en 2009 (germanlingve)]

* [http://www.kalkriese-varusschlacht.de/dokumente/upload/a8978_PI_15_02_2010_Dem_Frieden_gewachsen.pdf gazetara informo same germanlingva pri kampanjo "Friedenszeichen" ("pacosigno") de la lernejo kun intervjueto de ŝi]