Tutmonda Esperantista Junulara Organizo: Malsamoj inter versioj

▲'''Tutmonda Esperantista Junulara Organizo''' ('''TEJO''') estas organizo por junaj parolantoj (30-jaraĝa kaj malpli) de [[Esperanto]] kun individuaj membroj kaj [[Landaj sekcioj de TEJO|landa-sekciaj]] membroj. Estas nuntempe 44 membraj organizoj plus ĉirkaŭ 13 landaj organizoj kun kiu TEJO havas kontakton sed kiuj ankoraŭ ne estas membroj. TEJO mem estas sekcio de [[Universala Esperanto-Asocio]].

▲TEJO organizas la [[Internacia Junulara Kongreso|Internacian Junularan Kongreson]] ĉiujare en malsama loko tra la mondo. La IJK estas semajndaŭra okazaĵo de koncertoj, prezentaĵoj, ekskursoj, kaj ĝenerala amuziĝo kiu allogas junulojn el la tuta mondo. TEJO ankaŭ organizas kelkajn junulajn seminariojn ĉiujare. Tiuj ĉi seminarioj kunigas internacian grupon de junuloj por diskuti aktualan temon. Pasintaj seminarioj havis temojn pri [[homaj rajtoj]], [[tutmondiĝo]], lingvo-problemoj, kaj la [[Interreto]]. La seminarioj daŭras unu semajnon kaj plej ofte enhavas trejnajn elementojn por ke partoprenantoj ne nur spertu internacian diskuton sed ankaŭ akiru novajn kapablojn.

▲TEJO eldonas la revuon ''[[Kontakto (revuo)|Kontakton]]'' kun ties movada rubriko ''[[TEJO Tutmonde]]'', kaj ankaŭ la retan informbultenon ''[[TEJO-aktuale]]''. ''Kontakto'' estas revuo, kiu celas junajn legantojn samkiel komencantojn kaj enhavas artikolojn pri ĝeneralaj temoj interesaj por la junularo kaj en facila lingvaĵo. ''TEJO Tutmonde'' estis alia revuo kun novaĵoj pri junulara Esperanto-agado internacie, kiu per decido de la estraro estis transformita en rubrikon. ''TEJO-aktuale'' celas informi pri aktualaĵoj el la tuta Esperantio.

▲TEJO ankaŭ organizas la [[Pasporta Servo|Pasportan Servon]], reton de Esperanto-parolantaj gastigantoj kiuj senpage gastigas Esperanto-parolantajn vizitantojn.