'''Perla MartinelliMARTINELLI''', italdevena, estas esperantistino de post 1953 kaj nun publicisto kaj arta direktoro ĉe [[LF-koop]].
Ŝi aktivis ekde 1972 en la medio de [[La Patrolo]], kaj en 1980 transprenis la ĉefredaktadon de [[Literatura Foiro]]. Lasinte la postenon ĉe Literatura Foiro, en 1997 ŝi transprenis la ĉefredaktadon de [[Heroldo de Esperanto]]. Kun [[Gaston WARINGHIENWaringhien|Gaston Waringhien]] ŝi tradukis la unuajn Tri Tagojn de [[Dekamerono]] de [[Giovanni BOCCACCIO|Giovanni Boccaccio]]. [[Akademio de Esperanto |Akademiano]] de Esperanto ekde 1988, ŝi estis elektita ĝenerala sekretario de la Akademio en 1996: ĝis nun la sola virino kiu okupis estraran postenon en la lingva institucio.
Kun sia edzo [[Giorgio SILFER|Giorgio Silfer]], ŝi partoprenis la fondon de pluraj gravaj iniciatoj, interalie la [[Esperanta PEN-Centro]], kies akcepton ĉe [[PEN Club|PEN-Klubo Internacia]] ŝi atingis en 1993. En 2001 ŝi estis elektita al la Senato de la [[Civito de Esperantio|Esperanta Civito]].
