Prusia-Aŭstria milito: Malsamoj inter versioj

La originoj de la milito kuŝis en la konflikto inter Prusujo kaj Aŭstrujo pri la dominanteco ene de la [[Germana Federacio]], kaj la fina kaŭzo de la milito estis la disputo pri la administracio de la regionoj [[Ŝlesvigo]] kaj [[Holstinio]], kiujn Aŭstrujo kaj Prusujo komune akiris en la [[Dania-Germana Milito]] (kiu konatiĝis kiel unua milito kondukinta al la germana unuiĝo), en kiu ili ambaŭ estis batalintaj kontraŭ Danujo. La registaro de Prusujo konsideris, ke milito en 1866 probable finus bone por ĝi, ĉar Aŭstrujo suferis en ega financa krizo kaj Francujo deklaris sian neŭtralecon, se Prusujo militus kontraŭ Aŭstrujo. Krome, Bismarck, la prusa ĉefministro, kapablis aliancigi sian landon kun la [[Itala reĝlando]], kiu havis malbonajn rilatojn kun Aŭstrujo, ĉar la aŭstroj posedis la regionon [[Veneto]], kiu ĝis 1814 ankoraŭ estis parto de la [[Reĝlando Italio (1805–1814)|Reĝlando Italujo]]. La 8-an de Aprilo 1866, Prusujo kaj Italujo estigis trimonatan aliancon kontraŭ Aŭstrujo.<ref>Forg, Joachim: ''Der Deutsch-Deutsche Krieg''. Ligilo: http://www.regionalgeschichte.net/bibliothek/texte/aufsaetze/forg-deutsch-deutscher-krieg.html. Vidita la 23-an de Decembro 2013.</ref>

La 9-an de Junio, prusaj soldatoj enmarŝis en Holstinion, kaj tiam la aŭstraj diplomatoj rememorigis la aliajn ŝtatojn de la Germana Federacio pri ties devigo, defendi la federacion kontraŭ atakantoj. La 14-an de Junio, la parlamento de la Federacio akceptis kun naŭ kontraŭ ses voĉoj la aŭstran postulon, ke la Federacio mobilizu sian armeon kontraŭ Prusujo. Prusujo siavice opiniis, ke tio estu detruo de la Federacia Konstitucio, kaj deklaris la Federacion kiel dissolvata. La oficiala sindissolvo sekvis la 23-an de Aŭgusto en [[Augsburg]].<ref>Forg: ''Der Deutsch-Deutsche Krieg''. Samloke.</ref>