'''La [[eŭro]] (EUR aŭ €)''' estas la komuna [[monunuo]] por 18 el la 28 landoj de la [[Eŭropa Unio]], inkluzive de [[Irlando]]. La '''[[monero]]j''' kaj [[monbileto]]j ekuziĝis je la [[1-a de januaro]] [[2002]], sed la presa (stampa) jaro foje montras sin tiel frue kiel [[1999]], kiam la monunuo oficiale ekestis kaj oni ekproduktis la monerojn. La irlandajn eŭro-monerojn produktigas la [[Centra Banko de Irlando]].
Ĉiuj moneroj havas [[Eŭro-moneroj|flankon komunan]], kiu montras la valuton de la monero, kaj ĉiu lando, kiu partoprenas la eŭron, havas proprajn desegnaĵojn sur la alia flanko de la moneroj. Ĉi tiuj varias, ekde simpla montro de la monarĥo (ekzemple Belgio) ĝis tute malsama desegnaĵo ĉe ĉiu monero (ekzemple Italio). Tamen, ĉiuj moneroj iel montras 12 stelojn ankaŭ sur tiu flanko.
== Bildoj de la naciaj flankoj de la irlandaj eŭro-moneroj ==
{{Eŭro-moneroj}}
La '''irlandaj eŭro-moneroj''' havas nur unu desegnaĵon por ĉiuj ok moneroj: la irlandŝtatan [[harpo]]n, tradician simbolon de Irlando ekde la [[mezepoko]]. Ĝi reprezentas la tiel nomitan harpon de [[Brian Boru]], troveblan en ''[[Trinity College]]'', [[Dublino]], kaj estas la oficiala blazono de la Respubliko de Irlando. La moneroj ankaŭ surhavas la [[Irlanda lingvo|irlandlingvan vorton]] '''ÉIRE''' (Irlando), en la tradicia gaela skribo.
