DeEdgar de Wahl dum sia vivo ĉiam estis subtenanto de la planlingva ideo. Komence volapukisto, li estis unu el la unuaj esperantisto. Ne kontenta pri la lingvo, kiuli forte laboris por reformoj. Post la sensukcesa balotado de [[1894]] li forlasis la [[esperanto-movado]]n kaj intencis krei pli taŭgan lingvon. Post kelkjara laborado kaj prifajlado li publikigis en [[1922]] sian propran projekton ''Occidental'' en [[gazeto]], kiun li mem eldonis: "[[Kosmoglott]]" (Mondlingvo). ''Kosmoglott'' estis malferma [[forumo]] por libera interŝanĝo de la kreantoj de diversaj novaj sistemoj. Ĉiu rajtis publikigi ankaŭ en sia propra planlingvo por elprovi kaj propagandi ĝin.
Post sep jaroj, en [[1929]], la redakton transprenis skipo apud Vieno. Oni decidis, ke nun la nova lingvo Okcidentalo estis sufiĉe elprovita, kaj oni komence de tiu jaro fermis la gazeton por aliaj lingvoprojektoj kaj uzis ĝin jam nur por Okcidentalo. Jam en [[1927]] oni adaptis la nomon al okcidentala ortografio: "[[Cosmoglotta]]".
En [[1949]], la tiama vicprezidanto de la ''[[Occidental-Union]]'' (Okcidental-Unuiĝo) [[Ric Berger]] (kiu poste mem transiris al [[Interlingvao]]), konvinkis la Unuiĝon je nomŝanĝo de la lingvo al '''[[Interlingue]]'''. Oni argumentis, ke la nomo ''Okcidentalo'' malhelpas la propagandon de la lingvo en la [[komunismaj landoj]] de [[Orienta Eŭropo]].
Ĝis la apero de [[Interlingvao]] (''Interlingua'') de [[IALA]] en la 50-aj jaroj Okcidentalo estis rigardata la pinto de la [[eŭroklono|naturisma skolo]]. Tamen la Okcidentalistoj mem daŭre substrekis la neceson de reguleco kaj de la "kristalklara" derivacia sistemo de Okcidental. Poste tamen ĝiOkcidentalo perdadis siajn anojn al la pli ekstreme naturisma Interlingvao. Meze de la 80-aj jaroj Cosmoglotta ĉesis aperadi. Ŝajne restis nur modesta informilo en [[Ĉeĥoslovakio]] "[[Actualitás in Interlingue]]". Cosmoglotta reaperis nur fine de la 90-aj jaroj.
