'''Moravio''' (loĝata de ''Moravianoj'', [[ĉeĥa lingvo|ĉeĥe]]: ''Morava'') estas unu el historiaj ĉeĥaj landoj (hodiaŭ kun areo 26 095 km<sup>2</sup>). Ĝi etendiĝas en orienta parto de [[Ĉeĥio]]. Kun Moravio najbaras okcidente [[Bohemio]] (344km344 km), sude aŭstria federacia lando [[Aŭstrio Malsupra]], sudoriente, oriente poste [[Slovakio]] kaj nordoriente [[Slovakio]] kun [[Ĉeĥa Silezio]], norde poste [[Pola Silezio]] – konkrete regiono [[Klodsko]], kiu estas hodiaŭ parto de pola [[Malsupra Silezio (vojevodio)]] (20 km). Se ni kalkulas al Moravio ankaŭ eksajn [[Moraviaj enklavoj en Silezio|moraviajn]] [[enklavo]]jn en [[Silezio]], do Moravio najbaras ankaŭ kun [[Pollando|pola]] [[Opola vojevodio]], kiu situas en historia teritorio de Pola Silezio. Kiel metropolo de Moravio estas konsiderata [[Brno]], nome ekde la jaro [[1641]]. Antaŭe ĉefurbo estis [[Olomouc]], kiu eĉ plu apartenas al signifaj historiaj urboj de Moravio. Je iom pli malfrue kun progreso de minejoj kaj industrio signifiĝis urbo [[Ostrava]]. Inter pli konataj regionoj de Moravio apartenas [[Valaĥio (Moravio)|Valaĥio]], [[Moravia Slovakio]], [[Hanakio]].
